EVELYN
Nagsinungaling ako sa kanya. Wala naman talaga akong lakad, I mean kami ni Harry ay wala naman talagang lunch date. At higit sa lahat hindi ko naman talaga boyfriend si Harry. Ang buong oras ko ay inilaan ko sa taekwondo training ko.
“Miss Garcia, okay ka lang ba?”
“Okay lang po ako,” sagot ko sa coach namin.
“Masyado mong ginagalingan,” nakangiti na sabi niya sa akin.
Napatingin naman ako sa mga kasama ko na nakatingin pala sa akin. Hindi ko namalayan na nasira ko ang lahat ng mga kahoy. Nawala pala ako sa sarili ko at ang tanging nasa isipan ko lang ay si uncle.
“Sorry po,” sabi ko at nagpaalam na rin ako na uuwi na ako.
Habang naglalakad ako ay pakiramdam ko nakalutang ako. Ni hindi ko nga alam kung paano ako nakarating sa unit ko. Hindi ko alam kung ano ba ang gagawin ko
