Eunah
"Ano?" Lumarawan bigla ang gulat sa anyo niya ni Walter matapos kong sabihin sa kanya ang mga kundisyon na ibinigay sa akin kanina ni Sir Damiel. Naririto na kami ngayon sa loob ng apartment. "At pumayag ka naman?"
"Wala akong magagawa, Walter. Ama siya ng anak ko. Karapatan niyang makasama ang anak ko at siguradong gugustuhin din 'yon ni Eunice."
"Hindi ba at matapos ka niyang makuha noon ay binalewala ka lang niya. Itinapon ka lang niya na parang basura."
"Hindi ito tungkol sa amin, Walter. Tungkol ito sa bata. Kung sinabi ko raw kaagad sa kanya noon na buntis ako, tatanggapin naman daw niya ang anak namin at ibibigay niya ang lahat ng pangangailangan."
"Pwede niya rin naman 'yong gawin ngayon. Bakit kailangan niyo pang tumira sa kanya?"
"Walter, sinabi ko na sa iyo. Gusto ni
