Eunah
"Lolo!" Kaagad sumalubong si Eunice kay Papa na ngayo'y kararating lamang. "Tapos ka na po magtinda? Kiss! Kiss!" Nagkandahaba ang nguso niya habang nakatingala kay Papa.
"Tapos na po. Amoy pawis ako, apo. Mano na lang muna."
"Opo." Kaagad din naman itong nagmano sa kamay ng lolo niya. "May tira pa ice cream, lolo?"
"Naubos na. Inubos ng mga bata kanina." Napakaganda nang pagkakangiti ni Papa sa tuwing sumasalubong sa kanya ang apo niya.
Lumapit na rin ako sa kanila at nagmano na rin sa kanya. "Mano po, Papa." Kinuha ko ang kamay niya at dinala sa noo ko.
Napatitig naman siya sa akin. "Oh, eh, bakit parang namamaga 'yang mga mata mo? Umiyak ka ba?"
"Ahm..." Lumingon sa akin ang anak ko at tumitig din.
"Umiyak ka, Mama?!"
"Hindi, anak. Napuwing lang si Mama kanina." Binigya
