Eunah
Hinalikan ko ang anak ko sa noo bago lumabas na rin ng silid. Hinayaan ko na lamang na nakabukas ang pinto. Baka kasi bigla siyang magising at hindi niya malaman kung saan siya lalabas.
Siguradong magtataka siya sa ibang lugar na bubungad sa kanya pagkagising niya.
Natanaw ko naman kaagad sa balcony dito sa second floor si Sir Damiel. May kausap ito sa phone kaya hindi ko na muna nilapitan. Hinintay ko na lamang siyang matapos.
Hindi rin nagtagal ay napalingon siya sa akin at napatitig sandali. Nag-iwas ako ng tingin sa kanya. Nakita ko naman sa gilid ng mga mata ko ang paglapit niya sa akin.
"Ahm, there are four guest rooms upstairs."
Napalingon ako sa kanya dahil sa sinabi niya. Nakaharap siya sa direksyon ng hagdan patungo sa 3rd floor. Tiningnan ko din ito.
"We also ha
