"Nasaan si Faith? Nahanap mo na ba ang anak mo?" tanong ni Rosie kay Alberto.
Bumaling si Alberto kay Rosie. "At bakit ko naman hahanapin si Faith? Hindi ko na kailangang hanapin ang anak ko dahil tinataguan niya si Vaughn at iyon naman ang gusto ko. Ang taguan niya ito upang mabaliw ang lalaking iyon kahahanap sa kanya."
"Ano!" Nanlaki ang matang sabi ni Rosie.
"At bakit nagulat ka diyan? Para namang may pakialam ka sa anak ko?"
Kinuyom ni Rosie ang kaniyang kamao. "Talagang may pakialam ako sa anak mo! Pero ikaw, wala! Alberto, babae ang anak mo hindi lalaki! Paano kung mapahamak si Faith?"
"Hayaan mo siya tutal sakit lang naman siya sa ulo. Kung sinunod niya sa ako noon pa, hindi siya damay sa gulo namin ni Vaughn. Hindi ko sana siya naisipang gamitin. Pero dahil matigas ang ulo ni
