"Jusmiyo, 'neng! Buntis ka!" bulalas ni manang Maria.
Nanlaki naman ang mata ni Faith. "A- Ano?"
"Base lang ito sa pagkapa ko sa tiyan mo. Iba kasi eh... at kaya ko rin nasabing buntis ka ay dahil sa nakikita ko sa itsura mo. Isa pa, nagpapaanak ako sa lugar na ito. Para maniwala ka, i - text ko ang anak kong si Xion. Nasa bayan ito ngayon. Magpapabili ako ng pregnancy test sa botika."
Napahawak si Faith sa kaniyang tiyan. Bumuhos ang kaniyang luha sa mga oras na iyon. Napatingin sa kaniya si manang Maria at saka siya hinaplos sa likod.
"Bawal sa buntis ang umiyak. May tsansang maging sakitin ang anak mo at maging iyakin. Nasaan ba ang ama ng batang dinadala mo?"
Patuloy lamang ang paghalos ni Faith sa kaniyang tiyan. "Wala po... iniwan ko siya."
Nanlaki ang mata ni manang Maria sa g
