"Faith... dito na ako sa kabilang kuwarto matutulog, ha? Magtabi na kayo ni Vaughn. May anak na kayo. Ano ba ang plano niyo? Mag- asawa na ba kayo o magkasintahan pa rin?"
Tumingin si Vaughn kay Faith bago bumaling kay Rosie. "Asawa na po ang turing ko sa kaniya dahil may anak na kami. Kasal na lang po ang kulang sa amin."
Gumuhit ang ngiti sa labi ni Faith dahil kinilig siya sa sinabi ni Vaughn. Natawa naman si Rosie nang makita iyon.
"Mukhang kinilig si Faith sa sinabi mo. Oh siya, gumawa na kayo ng baby number two. Iyong mini version naman ni Faith para parehas na kayong may mini version. Hinaan na lang ang ungol dahil baka magising naman ako sa inyo," wika ni Rosie sabay tawa.
"Mama naman!" namumula ang mukhang sigaw niya.
Yumuko naman si Vaughn upang itago ang pamumula ng kaniya
