"Uuwi ka na? Sure ka?" tanong ni Vaughn sa kaniyang kaibigan.
"Oo. Kailangan kong bisitahin ang kompanya mo. Baka kapag nalugi iyon, hindi ko na makuha ang shares ko," pabirong sabi ni Ashton.
Natawa naman si Vaughn. "Kompanya ko? Malulugi? Kailan?" mayabang niyang sabi.
"Yabang mo! Batukan kita diyan eh. So ano? Dito ka na muna kasama ang mag- ina mo? Sulitin mo ang araw na kasama mo siya dito dahil kailangan mo pa ring bumalik sa Maynila. Kailangan mong patahimikin si Alberto. Kailangan ng matigil ang pagiging baliw niya. Ako na muna ang bahala doon. Tutulungan ko na lang ang sekretarya mo. Bigyan mo na lang ako ng authorization."
"Salamat, Ashton. Pasensya ka na kung hindi ka masyadong nag- enjoy sa lugar na ito. Hindi man lang kita nasamahang libutin ang magagandang pasyalan dito,"
