Strawberry Farm
Baguio city
Masayang namitas ng mga strawberry sina Dero at Boyong habang nakangiti namang pinagmamasdan ni Damien ang mga bata habang nakatayo siya hindi kalayuan sa mga ito.
Napangiti pa siya nang malaman niya na parehong prutas pala ang paborito nila ni Dero.
"Tito Damien, look!" wika ni Dero nang makalapit ito sa kan'ya. Akay-akay nito ang isang basket ng strawberries na malapit ng mapuno.
"Wow! Ang dami naman niyan," saad niya at tinulungan si Dero sa bitbit nito. Ginulo niya ang buhok ni Dero saka ito hinalikan sa noo. Tuwang-tuwa naman na kumuha ng isang strawberry si Dero pagkatapos ay isinubo nito iyon sa kan'ya na agad naman niyang tinanggap.
"Ang sarap talaga," aniya na napapapikit pa ng mga mata.
Sa tuwing mapagmasdan niya ang mukha ni Dero ay may kung a
