Nagising si Trina kinabukasan dahil sa mainit na hiningang tumatama sa kan'yang leeg. Naramdaman din niya ang mabigat na bagay na nakadagan sa binti at tiyan. Nang imulat niya ang mga mata para tingnan kung ano ang nakadagan na iyon ay napangiti siya nang makitang si Dero iyon. Nakaunan ito sa kan'yang tiyan habang yakap ang binti ni Damien na nakadantay naman sa paanan ng anak niya.
Lumingon naman siya sa kanan kung saan nanggaling ang hininga na iyon, at walang iba ang naroon kundi si Damien na nakasiksik ang mukha sa kan'yang leeg habang nakapulupot ang isang braso sa kan'yang dibdib. Pareho pang naghihilik ang dalawa. Hindi muna siya gumalaw dahil ayaw niyang maistorbo ang masarap na tulog ng mga ito.
Dahan-dahang kinuha ni Trina ang cellphone sa bedside table, binuksan niya ang cam
