Malungkot na sinundan na lamang ng tingin ni Trina ang papalayong kotse ni Damien. Gusto niyang maluha ngunit pinilit niya ang sarili na huwag. Kaya niya iyon ginawa kahit na masakit sa kan'ya dahil iyon ang sa tingin niyang tama sa ngayon. Napapitlag pa siya sa kinatatayuan nang marinig si Drix na nagsalita.
"Anyare?"
Marahas siyang napabuga ng hangin. Nag-iinit rin ang sulok ng mga mata niya tanda na maiiyak na siya. Ngunit katulad kanina ay pinigil niya iyon.
She cleared her throat before answering Drix's question.
"Ewan ko sa kaniya. B-baka natae lang?" aniya. Nagkunwari siyang abala sa pagkuha ng mga strawberries, "kaya siguro umuwi," wika niya sabay baling sa binata na nakangiti.
Pinasaya niya ang mukha upang hindi maghinala si Drix. Nagkibit-balikat naman ang binata saka siya
