YESHA’S POV
Habang naglalakad papunta sa bahay ay hindi ko maiwasan ang hindi mag-isip ng mga negative na bagay. Katulad na lang nang paano na ako ngayong nakakulong na si Yasha at pati na rin si Daddy. Nang makarating ako sa bahay ay napabuntong hininga ako. Mula rito sa labas ay tanaw ko na ang pinto. Nakaramdam ako ng lungkot at saka ako bumuntong hininga at saka pumasok sa loob. Nang makapasok ako ay nagulat ako sa tumambad sa ‘kin.
“HAPPY BIRTHDAY!!!” bati nilang lahat.
Hindi ako makapaniwala sa nabungaran ko at sa nakikita ko ngayon. Nasa harapan ko si Yua, ang sobrang matalik kong kaibigan. Lumapit sya sa ‘kin at saka ako hinawakan sa magkabilang balikat.
“H’wag kang iiyak,” banta nya sa ‘kin kaya naman napanguso ako.
“Alam mo, panira ka talaga, e,” inis na sabi ko naman.
