“SORRY, Tita.”
Si Tita muna ang pinakiusapan ko na maging acting CEO habang hindi ko pa kayang magtrabaho. Wala namang masama roon dahil isa siya sa board of director. Naglabas na rin ako ng kasulatan na nagsasabi nito. Ilang linggo lang naman. Siguro kahit mga isang linggo lang. Kailan ko lang ayusin muna ang sarili ko. Pakiramdam ko, hindi rin naman ako makakapag-focus sa trabaho.
“Okay, Eula. Babalitaan kita sa lahat ng mangyayari sa kompanya. Paano kung pumunta roon si Zeke?” Alam ko na hindi sinadya ni Tita ang banggitin ang pangalan ni Zeke. Napansin ko iyon sa biglaan niyang pagtitikom ng kanyang bibig.
“Kayo na lang po ang bahalang humarap sa kanya. Kung hanapin niya ako, sabihin niyo umalis ako.”
Tumango si Tita sa akin bago magpaalam upang pumunta ng opisina. Alam ko na busy
