“NASAAN si Zeke?”
Simula ang nangyari sa amin ni Entice, mas lalong humigpit ang aking seguridad. Hindi ako nagrereklamo dahil naiintindihan ko si Zeke. Napansin ko rin ang naging pagbabago sa kanya, alam ko na may nililihim si Zeke na ayaw niyang sabihin sa akin. May pakiramdam nga ako na medyo dumidistansya siya sa akin.
Hindi pa kami ganoong nakakapag-usap. Isang linggo na ang nakakalipas pero maaga pa para makalimot ang mga tao sa nangyari. Hanggang ngayon, binabagabag pa rin ako ng nangyari kay Entice at may pagkakataong natutulala at umiiyak mag-isa. Hindi iyon alam ni Zeke, dahil sabi ko nga, madalas ay wala siya. Nakakatulog ako na wala siya sa tabi ko at nagigising na wala pa rin. Minsan napapatanong ako sa sarili kung umuuwi pa ba si Zeke sa bahay.
Kaya ngayon, nang makita ko
