HINDI pa ako maayos sa nangyari sa aking kapatid ay may isa pang balita ang gumimbal hindi lang sa akin…kung hindi maging kay Zeke.
Nang usisain nina Zeke kung nasaan si Miles o kung nakita ba siya, sinabi ng mga taong naroroon na walang katawan ni Miles na natagpuan ngunit nakita nila ang isang dog tag necklace na pagmamay-ari ni Miles. May bahid ito ng dugo na sa tingin ng lahat ay dugo ni Miles.
Lalong namuo ang luha sa aking mga mata pero hindi na ako nagsalita. Tahimik na lamang akong umiiyak habang nakikinig sa usapan nila.
“Sa tingin ko po, magkasama sina Miles at Miss Entice kagabi. Pareho silang nasa may bangin nang parehong barilin at nahulog sa ilog. Sa lakas ng pag-agos ng ilog kagabi, maaaring natangay ang katawan nilang dalawa. Ang katawan ni Miss Entice ay naiwan sa parte
