“YOU are lying…” Gustuhin ko man siyang sigawan at ipamukha sa kanya na hindi ako naniniwala, nanghihina ako.
Imposible naman iyon, hindi ba? Bakit naman papatayin ni Zeke ang aking ina? Hindi nga kami magkakakilala!
Tumawa si Austen at inilingan ako. “Hindi kita pipiliting paniwalaan ako, Eula. Sabi ko nga sa ‘yo, maaari mo namang itanong sa asawa mo kung nagsasabi ako ng totoo.”
Tinapik niya ako sa aking balikat at ngumiti sa akin na akala mo ay inaamo ako.
“Kakampi mo ako, Eula. Hindi ako ang kalaban dito. Kung may kalaban ka man at dapat katakutan, ang asawa mo iyon. Isipin mo, bakit ka kaya niya pinakasalan? Ano kayang kailangan niya sa ‘yo? Maybe revenge? Baka kaya hindi ka niya pinatay noon dahil alam niyang magagamit ka niya ngayon.” Umayos siya ng tayo at tiningnan ako ng sery
