MATAMAN pa rin akong nakatingin sa babaeng nakahawak kay Zeke. Umalis si Zeke sa tabi ng babae at lumapit sa akin. Hindi man niya ipahalata, alam ko na nakangiti siya sa akin pero hindi ko magawang suklian ang ngiti niya.
Pumirmi ang titig ko sa babaeng mukhang inoobserbahan din ako. Sino siya? Gusto ko agad itanong kay Zeke pero ayoko namang ipakita sa lahat na nagseselos ako.
Hinawakan ni Zeke ang siko ko kaya’t nakuha niya ang atensyon ko. Tumingin ako sa kanya at tumaas ang isang kilay ko.
“What are you doing here, Eula?” Gusto ko sanang punahin kung gaano kakalmado ng boses niya habang kinakausap ako pero may kung ano akong nararamdaman na nagpapa-bitter sa akin.
“Sir, tumawag po kasi si Ma’am Eula kanina. Sabay raw po kayong magla-lunch. Hindi ko lang po agad nasabi sa inyo dahi
