“ATE!”
Gulat pa rin ako sa pagdalaw ni Entice sa bahay namin. Hindi rin naman ako makatanggi lalo na kapag sinasabihan na ako ng kapatid ko na miss niya na ako.
Alam ko na may mas malalim na dahilan si Entice kung bakit gusto niyang pumunta rito. Niyakap ako ng kapatid ko at ganoon din ako sa kanya.
Malapit kami ng kapatid ko. Sa tuwing sinasaktan ako noon ni Papa, may mga pagkakataon na nakikita iyon ni Entice at siya ang pipigil kay Papa. Pinatigil ko nga lang siya sa pagtatanggol sa akin dahil baka maging siya ay saktan ng ama namin pero hindi maipagkakailang malaki ang naging parte ni Entice para ma-overcome ko lahat kasama si Papa. Thankful talaga ako na nagkaroon ako ng kapatid kahit magkaiba pa ang ina naming dalawa. Ganoon din si Tita Trisha. Hindi man siya ang tunay kong ina, s
