GINAGAMOT ako ng kasambahay. Nagpapatawag sila ng doktor pero sinabi kong hindi na iyon kailangan. Ang kailangan ko, si Dra. Shannon. Kailangan kong may makausap at mapaglabasan nitong nararamdaman ko dahil ang bigat-bigat na.
May benda na sa aking mga sugat. Bukod naman doon ay wala nang mali sa akin—siguro pag-iisip ko. Kasi kung nitong nakaraan ay nakakayanan ko nang magkaroon ng confidence, knowing that Zeke’s with me, ngayon ay siya rin ang dahilan bakit lumagapak ang lahat.
Nakarinig ako ng pagbukas ng pinto ng silid. Alam ko kung sino iyon kahit hindi ko siya lingunin. Simula kanina, hindi ko pa ulit kinakausap si Zeke. Naalala ko pang mas ginusto kong magkahiwalay kami ng kotseng sasakyang papauwi. Kung pwede nga lang pati hiwalay na bahay ay ginawa ko na. Subalit ngayon, kay Zek
