IMINULAT ko ang aking mga mata. Nakaupo ako sa gitna ng isang maliit na silid. Naramdaman ko ang hapdi sa aking pulso at bukung-bukong. Mahigpit na nakatali ang mga ito.
Mahina akong napadaing nang maramdaman ko ang pananakit ng ulo ko. Hindi pa diretso ang tingin ko sa paligid and I am a little bit dizzy.
May narinig akong bumukas na pinto, ngunit ibang-iba iyon sa langitngit ng normal na pinto. Ang ingay ay hindi mula sa kahoy kung hindi sa—metal.
“Bakit ba kasi rito tayo pinapunta sa container yard? Wala pang back-up. Paano kung biglang lumitaw si Benavidez dito?” sabi ng babae. Doon ko lang napagtanto na wala kami sa isang silid kung hindi nasa loob ng isang 40 ft. container.
“Shh, ang ingay mo. Mas maganda nga na naririto tayo at hindi sa kahit anong property nina Boss. Dito, wal
