“Austine po ang pangalan—I mean, si Sir Austine po ba ang amo natin?”
Hindi ko na napigilan ang hindi makisali sa kanilang usapan. Umalis din ako sa pagkakahilig sa balikat ni Nanay Cedes at umayos mula sa pagkakaupo. Tumingin ako sa aking katabi na bahagya pang nagulat sa akin.
“Akala ko ay natutulog ka na, ‘nak. Naistorbo ka ba namin?” Sa halip na sagutin ako ay ‘yon ang tinuran niya.
Agad na kumalat ang init sa aking mukha. Mabuti na lamang at medyo madilim dito sa loob ng sasakyan kaya siguradong hindi na nila napansin iyon. Nahihiya ako na baka mapansin nila ang bigla kong pagiging atentibo sa usapan. Bahagya kong ikinalma ang sarili at umakto na parang wala lang ang usapan.
“Hindi naman po, ‘nay.” Banayad ko siyang nginitian. Hindi pa naman talaga ako n
