We arrived safely at the pier. Alas-kwatro pasado na kami nakarating dito sa pantalan dahil ang dapat anim na oras na byahe ay inabot nang mahigit na walong oras dahil nga roon sa nangyaring kaguluhan kanina sa barko kaya medyo tumagal ang naging byahe namin. Pagkatapos naman na humupa ang kaguluhan sa mga pasahero ay naging matiwasay na rin ang paglalakbay namin hanggang sa makarating.
Noong masigurong wala nang naiwan ay nagpasya kaming makisabay na sa ibang mga pasahero na pababa na rin.
“Maraming salamat, miss. Hindi ka lang maganda. Sobrang bait mo pa.”
Naglalakad kami ni Nanay Cedes nang biglang may lumapit sa akin na isang babae at isang lalaki. Mukha silang mag-asawa base na rin sa pagkakasaklay ng babae sa braso ng lalaki. Sa tingin ko rin ay hindi nagkakala
