Noong nilisan namin ang pampang na iyon ay saka ko lang napagtanto sa sarili ang huling binanggit. Hindi ko aakalain na nagawa ko ring aminin sa sarili ko ang tunay na nararamdaman para sa taga-lupa na iyon.
Lagi kong tinatanong kay Georgette kung ano ang ibig sabihin ng pag-ibig, kung ano ba ang pakiramdam noon, at lagi rin niyang sinasabi sa akin na ako lang ang tanging makasasagot nito. Na higit sa lahat ang sarili lang natin ang makakaalam kung ano ang tamang kasagutan dito. Habang nalulunod ako sa pag-iisip ay may isang malinaw na bagay ang nakatatak sa akin. Sa tuwing naiisip ko ang pag-ibig, imahe ni Austine Roux ang nakikita ko.
Ang malakas na kabog ng dibdib. Ang mga kulisap na walang tigil sa pagsasaya sa aking sikmura. Ang mga tingin niya na halos tumunaw s
