“Malaki po ang posibilidad na makasalubong natin ang ibang mga estudyante. Mabuti na po ‘yong handa tayong pareho kung nagkataon man,” sabi pa ni Georgette habang umiibis kami palabas ng lagusan.
Palihim at maingat naming nilalampasan ang pulutong ng mga sireno na nagkalat sa paligid. Malaking tulong na mayroon akong kakayahan na magtago ng aming presensya ngunit para lang iyon sa mga ordinaryong nilalang sa Oceana. Mabuti na nga lang at hindi kami nakakasalubong ng maharlika. Sa buong Oceana, halos mga maharlika lang ang biniyayaan ng kakaibang kakayahan. Tulad na lang sa aking ina na kayang gawing bato ang kahit na sinumang lumalabag sa kautusan, samantalang si Kuya Alon naman ay kayang magpamalas ng kakaibang lakas at hindi tinatablan ng kahit na anong patalim. Ito rin ang dahila
