Gino Ferrer’s PoVㅤㅤ ㅤㅤㅤㅤ ㅤㅤ
Napadilat ako ng mata nang maramdaman ang napakainit na sinag ng araw sa mukha ko. Mabilis akong napaupo nang makita ang ilang tao na pinagtitinginan kami habang nadaan.
Nasa gilid kami ng kalsada.
Mabilis kong tinakpan ang mapang-akit kong mukha dahil sa hiya, inalog-alog ko sa balikat ang mga kasama kong hunyango na ngayon ay tulog na tulog pa rin.
“Sh¡t! Hoy! Gising!”
“Hmmm?” Si Jake. “Putcha, ano ba?!”
“Ano ba yan, bakit diyan sila natutulog?”
“Mga kabataan talaga ngayon, siguro mga nagsha-shabu iyan.”
“Tsk, hindi na naawa sa mga magulang.”
“Kahit pogi sila, hindi ko iyan sasagutin pag nanligaw sa’kin.”
Mabilis kong nilingon ang babaeng huling nagsalita, napangiwi na lang ako nang makita ang itsura niya. Dili na lang ako mag-talk.
“Gising, hoy!"
