IVAN LEE
NANG bumalik si Tine sa condo nilang mag-iina ay kaagad na rin akong nagpaalam na uuwi na. Sinubukan pa akong pigilan ni Tine pero tumanggi ako. Alam ko kasing uungkatin lamang nito ang tungkol sa pangalang aksidente kong nasambit kanina habang kausap siya. At sa ngayon ay wala pa akong balak ipaalam sa kanila kung sino si Shana.
Habang lulan ng sasakyan ko pauwi sa bahay ko ay laman na naman ng isip ko ang babaeng iyon. Ilang araw ko na siyang gustong makita pero tiniis kong huwag magawi sa club na iyon.
At sa kagustuhan kong libangin muna ang sarili ko, sa halip na sa bahay ko ako dumiretso ay kaagad kong kinabig sa ibang direksyon ang sasakyan ko. Natagpuan ko na lamang ang sarili ko na binabagtas ang daan patungo sa Batangas kung saan naroon ang bahay ng pinsan kong si Ma
