IVAN LEE
INIS na kinuha ko ang cell phone ko sa ibabaw ng bedside table, kanina pa kasi iyon ring nang ring at wala sana akong planong sagutin dahil inaantok pa ako. Ngunit mukhang wala yatang balak tumigil ang kung sinong istorbo na iyon sa pagtulog ko.
"Hello?" Walang ganang sagot ko. Hindi ako nag-abalang tingnan kung sino iyon.
"Good morning," anang boses sa kabilang linya na kilalang-kilala ko na.
"Ano na namang kailangan mo?"
Tumawa ito. "Ang aga mo namang magsungit?"
"Tss. Istorbo ka kasi sa pagtulog ko."
Tumawa lang ulit ito dahil alam niyang hindi ko kayang magalit nang totoo sa kanya.
"Tinong Pogi….!" Mabilis kong inilayo sa tainga ko ang cell phone dahil sa matinis na boses ni Jazz, na bigla na lamang itong sumingit sa tawag ng Mama nito.
"Tinong Pogi..!"
"Jaz
