“Good afternoon Sir! Good afternoon Maam!” masaya silang binati at sinalubong ng mga staff sa resort nina Mory ng hapon na iyon pagdating nila doon. Isa lang iyon sa mga resort ng pamilya ni Mory ngunit iyon ang pinakabago kaya lately ay madalas iyong bisitahin ni Mory.
“Myrna, ipa-ready mo ang dalawang VIP rooms dahil dito kami magpapalipas ng gabi.” Agad na utos ni Mory sa Manager ng resort.
“Right away, Sir!”
Agad na ngang tumalima ang Manager at di nagtagal ay dinala na sila nito sa dalawang VIP Rooms na magkatabi.
“Ayusin ko lang ang gamit ko tapos maglalakad-lakad na lang muna ako sa resort.” Paalam niya kay Mory.
“Gusto mo bang samahan kita Anj?”
“Wag na. Gusto ko lang munang mapag-isa.”
Napatitig naman sa kanya si Mory hanggang sa tumango na lang ito sa kanya.
“Bast
