“Angelo!”
Agad napalingon si Angie nang marinig ang pagtawag na iyon. Hindi siya pwedeng magkamali, boses ni Mory iyon. Ngunit paglingon niya ay wala naman ito sa likod niya.
Nagkibit- balikat na lang siya at muling inayos ang mga display ng damit na binabantayan niya. Baka nagkamali lang siya ng dinig at nag-iilusyon lang siya na nandito na ulit sa Pilipinas si Mory sa kagustuhan niyang makita ito. Tsaka ilang araw pa lang mula nang tumawag sa kanya si Mory kaya imposible talagang nasa Pilipinas ito dahil wala naman itong sinabi sa kanya na uuwi ito.
“Angelo..” mas mahina na ang pagtawag na iyon ngunit umiling na lang siya dahil kung anu-ano na ang naririnig o marahil ay naiisip niya.
“Oy!!”
“Ay palaka!” nabitawan niya ang hawak na damit at agad siyang umikot para lang harapin ang ku
