Tinotoo nga ni Oscar ang sinabi nito at niligawan siya nito. Halos araw-araw na itong pumupunta sa bahay nila at dinadalhan siya ng mga bulaklak o kaya ay chocolates o kung anong pasalubong.
Gulat na gulat ang mga kaibigan nila na nililigawan na siya ni Oscar na halos hindi ang mga ito makapaniwala.
Kagaya na lang ngayon na sinundo siya si Oscar sa pinagtatrabahuhan niya at diretso rin naman siyang ihinatid nito at saktong naabutan nila sa gilid ng kalsada sina Rina at Romel, maging si Ella.
“Pare, sigurado ka ba talagang nililigawan mo si Angie? Hindi kaya nasaniban ka na ng sirena habang nasa barko ka?” ani Romel na sinalubong pa sila.
“Bakit? Hindi naman nakakagulat dahil maganda si Angie at mabait pa. Sinubukan ko ngang maghanap ng iba pero si Angie pa rin talaga.” Seryosong sabi n
