Pagod na naman ang katawan ko at hindi na naman ako pumasok sa trabaho dahil sa sama ng pakiramdam ko. Sino ba naman ang hindi magkakasakit kung nakukonsimisyon ka sa taong pilit na pinagsisiksikan ang sarili nito sa akin. Tinawagan ko na lang ang sekretarya ko na hindi ako makakapasok dahil hindi pa maayos ang nararamdaman ko. Hindi naman ako nag-aalala dahil magaling 'yong business partner ko at ang sekretarya. Kaya nilang i-handle kahit wala ako. Magwo-work from home na lang ako. Susubukan ko pa rin kahit ganito ang pakiramdam ko.
Kinuha ko ang laptop ko sa kwarto at dinala sa sala. Binuksan ko iyon para simulan na ang pagtatrabaho rito sa condo. Wala naman akong ibang pagkakaabalahan dahil nalinis na lahat ni Khazer ang mga kalat. Magtatrabaho na lang ako rito dahil naka-set naman na
