Kinabukasan, I worked hard para hindi ko isipin masyado ang nangyari kagabi. Mabuti na lang din dahil hindi ako binibisita ng dalawa. Pinuno ko ang schedule ko at nag-overtime rin sa opisina. Ni-review ko mga papeles na dapat kong pirmahan at gumuhit din ako ng mga bagong style at design ng mga sapatos. Hindi ko naman trabaho 'yon pero wala na akong ibang maisip na p'wedeng gawin.
Mabuti na lang dahil tumawag sa akin si Sarry. Pinapunta niya ako sa bar na palagi naming pinupuntahan. Kaya hindi na ako nag-alangan pa at umalis na.
Kung hindi ko siya sisiputin ay paniguradong maghihinala talaga siya sa akin. Iisipin niya na may namamagitan talaga sa aming dalawa ni Khazer. Ayaw ko 'yong mangyari kung kaya't pupuntahan ko siya.
Dumiretso ako sa counter pagkadating ko sa bar kung saan agad
