Sinabi ko sa sarili ko na hindi ako dapat magpatinag sa kaniya. Hindi niya dapat makitang apektado pa rin ako sa kaniya. Lasing lang ako, puwede ko 'yong gamiting alibi. Hindi rin ako siguradong sinsero ang paghingi niya ng sorry sa akin. Minsan na niya akong niloko pero ngayon, hindi ko alam kung bakit walang bakas ang mga mata niya ngayon ng pagkapeke habang humihingi siya ng tawad sa akin. Totoong-totoo ang lahat ng pinapakita niya pero ayaw ko pa rin siya pagbigyan.
Natatandaan ko kasi noon, nagulat na lang ako na may tsismis na ginamit lang nila ako ng mga kaibigan niya. At sa tuwing naaalala ko 'yon, nasasaktan ako at nahihirapan nang sobra. Mali ba ang hindi siya pagbigyan ng pagkakataon?
"Please forgive me. Gusto kong bumawi sa lahat ng mga kasalanan ko."
"Okay fine na nga, so
