Marahang pinasadahan ni Avril ng kulay pulang lipstik ang kanyang manipis na labi, nasa harap pa siya ng kanyang tukador at sinisipat ang manipis na make up na kanyang inilagay sa mukha. Maliit siyang ngumiti sa salamin nang makitang kuntento na siya sa kanyang ayos ngayon dito. Hindi masyadong makapal ang koloreteng nakalagay sa kanyang mukha at hindi rin manipis ito.
“Ayos na siguro ito, hindi naman kailangang sobrang ganda ko sa paningin niya.” bulong ng dalaga sa kanyang sarili na tumayo na mula sa kanyang upuan, at dinampot na ang sling bag.
Iyon ang pangatlong date niya kay Mico na may maayos na pag-aaya, kung kaya naman ay nais niyang paghandaan ito nang maayos sa abot ng kanyang makakaya. Ang kanilang pangalawang date ay nangyari sa pangalawang buwan ng kanilang pagpapang
