Ilang saglit pa ay marahan nang tinapik-tapik ni Mico ang isang balikat ni Rain nang hindi pa rin natinag ang kaibigan mula sa kanyang pagkakatayo sa kanyang harapan. Hinihintay pa niya ang karugtong ng mga sasabihin ni Mico. Nauunawaan naman ito ng binata, naiintindihan niya ang nararamdaman niya ngayon at ng sitwasyon nitong kinakaharap. Naghahanap lang ito ng makakausap ukol sa bagay na iyon, ng makakaunawa sa kanyang pinagdadaanan ngayon. At ang malas lang niya na ang karamihan sa kanyang kaibigan ay abala sa kanilang sariling buhay at busy naman si Mico na kanyang nilapitan. Hindi naman na bago iyon kay Mico, sa kanilang barkada ay mas madaling lapitan ang binata at kausapin. Madalas din siyang magbigay ng mga advice na marahil ay nang dahil sa pagiging martir niya kay Madox kaya ganu
