Ilang oras pa silang nakipagkasiyahan sa reception at nakihalubilo sa mga kaibigang naroon pa rin ng mga sandaling iyon. Nakisalo sila sa kanilang mga mesa. Nakipagsabayan sa kwentuhan doon na kung saan-saan pa napunta ang mga topic nila. Matapos ng ilang beses na magpaalam sa mga kaibigan na ikinasal na patungo na sa kanilang honeymoon ay ang mga kaibigan naman ni Mico ang kanilang inihatid sa paradahan ng kanilang mga sasakyan. Ang ilan pa sa kanila ay nakakainom na at halata na ang tama ng alak sa paraan ng kanilang pananalita sa kanila dito.
“Hindi ka ba talaga sasama sa amin, Mico?” tanong ni Froylan na may mapangbuska ng mga ngising nakapagkit sa kanyang labi, taliwas ang sinasabi ng kanyang mga mata sa labi niya. “Sigurado ka na ba talaga diyan sa desisyon mong iyan ha? Hindi na
