Alumpihit nang humarap sa kanila si Avril na para bang nakatulos ang kanyang mga paa sa lugar na kanyang kinatatayuan at hindi niya maigalaw. Hindi niya alam kung bakit kakaiba ang hatid na kaba sa kanya ng biglaang pagpapakita ni Mico doon at maging ng mga tingin nito sa kanya. Para bang mayroon siyang kasalanan na ayaw niyang malaman ni Mico ngayon, kahit na alam niyang wala naman iyon. Iba ang kanyang nararamdaman. At sa halip na masiyahan dahil sa presensiya ng nobyo sa kanyang harapan ay hindi dahil iba ngayon ang hatid nito sa kanya, to the point na para bang gusto na lang niyang kumaripas ng takbo papalayo ngayon at pauwi ng kanilang tahanan. Nahihiya siya na hindi niya mawari kung ano ang biglang naging ugat nito. At para bang bigla na lang naging awkward sa kanya ang lahat, bagay
