Marahas na napabuga na ng hangin si Mico matapos na mailapat niya ang mabigat na katawan ni Avril sa ibabaw ng kanyang kama. Hinihingal niya na itong nilingon na parang sako ng palay na bumagsak lang doon na wala pa ‘ring kamalay-malay. Lalo pang nag-doble ang tagaktak ng kanyang pawis sa mukha na pababa ng kanyang leeg nang dahil sa pagod na hatid nito. Binuhat niya ito mula sa unang palapag hanggang sa makarating na sila ng unit. Nahirapan man sa kanya ay maluwag na siyang nakahinga nang makitang tulog na tulog pa rin ito doon. Ang buong akala niya ay kaya niya na itong buhatin ngunit hindi pala, akala niya lang pala iyon. Kung kaya naman ay napilitan na siyang istorbohin sina Rain at Lacim na ngayon ay parehong masama na ang ipinupukol na mga tingin sa kanya. Hindi makapaniwala ang mga
