Kaagad na pinaharurot ni Mico ang kanyang sasakyan pagkatanggap na pagkatanggap niya sa text ng address ni Asher. Hindi na mapawi ang ngiti sa kanyang labi ngayon habang binabalikan sa kanyang isipan ang mga hinaing ng insekyuridad ni Avril sa itsura ng kanyang dating nobya. At sa halip na mag-alala siya dito ay natutuwa pa siyang nagkakaganito ito ngayon, marahil ay dahil natutuwa siyang isipin na ganito ito kaapektado at kahit hindi nito iyon aminin ay kitang-kita naman sa kanyang mga action. Bagay na nagpakilig pa sa puso ni Mico na pumipintig-pintig. Bahagya niya pang naihilamos ang kanyang isang palad sa namumula niya na ngayong mukha.
“Tama ba ang pakiramdam ko kaninang nagseselos siya? Tama rin kaya ang sinabi ni Lacim sa akin kanina? Paano iyon nangyari? Nahulog na rin ba siya sa
