Nanlalaki na ang mga matang nilingon ni Avril ang bahaging itinuro ng kanyang kaibigan gamit ang kamay at nguso niya. Hindi siya makapaniwala na sa kanyang likuran nga ay naroon si Mico at matamang nakikinig sa mga salitang kanyang sinasabi. Mabilis na siyang ginapangan ng hiya. Hindi niya alam kung tatayo ba siya o huwag na lang itong pansinin pa. Unti-unti ng napawi ang kanyang mga ngiti, kasabay iyon ng papabilis na papabilis na kalabog ng kanyang puso sa dibdib. Hindi na siya mapakali ngayon sa kanyang inuupuan, pakiramdam niya ay nagpapawis na nang malagkit ang kanyang balat. Samahan pa iyon nang malakas na dagundong ng t***k ng puso. Iyong tapang na ipinapakita niya kanina para sa binata ay tila yelong nalusaw na lang na bigla. Sumama sa labis na hiyang kanyang nararamdaman nang mga
