Makalipas ang ilang minutong pagtitig kay Mico ay hilaw ng humalakhak si Avril. Hindi siya makapaniwala sa huling tinuran sa kanya ng binata. Mabilis niyang nilingon ang mga kaibigan nito at nang makitang tumalikod na rin sila upang magtungo sa kabilang direksyon ay marahas na niyang iwinaksi ang kamay ni Mico na nakahawak pa rin sa kanya. Mababakas ang labis na pagkairita na nakalarawan sa kanyang mga mata. Nameywang na siya dito habang pilit na kinakalma ang kanyang sarili kahit na kumukulo na naman ang dugo niya para sa kay Mico. Umaahon na naman ang matinding galit niya para dito na may kasamang paninikip ng kanyang dibdib. Masyado na siyang naiinis ngayon sa lalake sa hindi niya maipaliwanag na dahilan pa.
“Huwag mo nga akong ginaganyang lalake ka!” palatak na niyang masama pa rin
