KATULAD NG plano ni Tanya, hindi siya umalis sa Pagbilao City kahit na bumyahe si Karzon papunta sa Davao. Ni hindi na ito nagtanong pa ulit kung sasama ba siya o hindi pauwi sa Manila.
Ni magpaalam nga na aalis na ito ay wala man lang.
Ayaw ni Tanya na sumama ang loob, pero ganoon ang nararamdaman niya. Sumasama ang loob niya. Tapos, dumagdag pa na kasama ni Karzon ang sekretarya nito sa Davao at Cebu. Kung ano-ano ang naiisip niya na ginagawa ng mga ito roon.
Tanya, iba na ‘yan, ha? kantiyaw pa ng kaniyang epal na isipan.
“Ano’ng iba?” parang timang na kausap pa niya sa kaniyang sarili. “Sino ba ang hindi sasama ang loob sa lalaking ‘yon?” Napabuntong-hininga siya. “Hindi ko nga alam kung nakikita ba niya ako bilang ako? Kahit hindi na lang bilang asawa niya?”
Itinikom niya ang bibi
