SA NAKALIPAS na isang buwan at kalahati, parang gustong palakpakan ni Tanya ang sarili dahil nagawa niyang matagalan sa penthouse si Karzon Montejero. Para walang away sa pagitan nilang dalawa ay pinakaiwasan niya ang makipagsagutan dito. Effective naman sa part niya.
Tipid din kung kausapin niya ito. Lalo na kung hindi naman importante ang sasabihin niya.
Naging routine rin niya ang gumising nang mas maaga sa asawa para maipaghanda ito ng almusal. Nakakatuwa lang sa part niya na mas natuto siyang magluto ngayon kaysa noong nasa America siya at nag-aaral ng kolehiyo.
Pati pagkahilig sa halaman ay na-adopt din niya kay Nana Ester.
“Paano kung isang araw, sukuan mo si Karzon?”
Napatingin si Tanya kay Nana Ester. Nasa may pool area sila ng mga sandaling iyon. Nag-i-spray siya ng magagand
