KINABUKASAN nga ay kasama si Tanya ni Karzon sa pagbiyahe nito papunta sa Manila. Bago ito dumiretso sa airport ay inihatid muna siya nito sa bahay ng mga magulang niya.
“Bumaba ka muna kahit sandali lang,” pamimilit pa ni Tanya sa asawa.
“May flight pa ako, Natanya. ‘Wag kang makulit.”
Pero hindi siya nagpatinag sa asawa. Hinawakan pa niya ito sa braso nito. “Kahit ayaw mo sa idea na ako ang asawa mo, puwede bang kahit sa mga magulang ko na lang ay gumalang ka? Kasama naman kita pag-uwi rito. Maano ba naman na mag-hi ka lang sa kanila ng personal? Then, saka ka umalis. Respeto lang, Mister Montejero,” aniya na hinila na ito pababa sa kotse.
Para bang nauubusan ng pasensiya na bumaba na lang din si Karzon sa magara nitong kotse. Binilinan na lang ang driver nito na sandali lang ito sa
