KUMUNOT ang noo ni Tanya nang makita niya sa kusina, isang umaga, na abala ang mga kawaksi para sa paghahanda ng almusal.
“Bakit po nagluluto kayo?”
“Ito po ang order ni Sir,” sagot sa kaniya ni Karla.
“Kakain daw po kayo ng almusal,” wika naman ni Abi.
“Pero wala ho akong ganang kumain ng almusal ngayon.”
“Eh, wala rin po kaming magagawa kung ‘di sundin ang utos ni Sir na magluto ng almusal ninyo,” ani Nida.
“Ninyo?” ulit niya sa sinabing iyon ni Nida.
“Opo.”
“Mag-a-almusal din si Karzon?”
“Parang ganoon nga ho ang intindi ko,” ani Nida. “‘Yong kape nga raw po niya ay isabay na lang kapag mag-a-almusal na.”
Hindi maiwasan na sandaling matigilan si Tanya. May kinalaman ba iyon sa nangyari kahapon ng umaga? Noong sabihin niya sa asawa na hindi na rin siya nag-a-almusal?
Napalunok
