A Mantovani Maid (Taglish)

Chapter 5: Seksing Impakta

Namilog ang mga mata ko nang makita ako ni Ate Jennifer na ganoon ang suot at nasa hagdan. Halatang galing din siya sa direksyon ng dining room. Kung gano’n, magkasama kaya silang nag-brunch?

Walang anu-ano ay parang galit na toro si Gavin na tumingin sa ‘kin pagkasulyap sa guardhouse. Buti na nga lang ay walang guwardiyang makikita roon. Pero malay ko ba kung nakasilip lang sila mula sa loob?

Samantalang si Sharenn na nagtatampo at nagagalit sa ‘kin ay dire-diretso lang sa paglalakad sa porch. Tinawag ko pa siya ulit ngunit naputol iyon nang mapasinghap ako. Biglang nagliyo ang pakiramdam ko at nakita kong bumaliktad ang mundo ko nang kargahin ako ni Gavin sa kanyang malapad na balikat na tila isang sako ng tahop (pig feed). Ang likod niya ang nakikita ko habang nagmamadali siyang umakyat ng hagdan para walang makakita sa ‘kin at sa ayos ko.

Para akong mahihilo sa ginawa niya. Kita ko ang maganda niyang pang-upo habang naglalakad. Kahit naman ano pa ang suot niya, ke slacks, jeans o shorts, maganda talaga siyang magdala ng damit. Kaya nga naman ay maraming babaeng nagkakandarapa sa kanya. Ewan ko na lang kung may pinapatulan siya sa mga iyon. Hindi naman ako interesado.

Weh? Sure ka? tudyo ng isip ko. ‘Di ba ilang beses ka na ring nagtanong sa sarili mo kung may girlfriend na siya?

Damang-dama ko ang mga palad niyang nakahawak sa pang-upo at hita ko. “Get your hands off me!” sigaw ko sa kanya.

“Shut up!”

Nagpumiglas ako pero hindi niya ako hinayaan. Tinampal niya pa ako sa pang-upo ko na ikinasindak ko kaya natuod na lang ako.

Teka lang, tsansing na ‘to, ‘di ba? s****l harassment ‘to!

Gusto kong sumigaw pero hindi ko magawa. May kung anong pumigil sa ‘kin na hindi ko mawari habang todo ang pagtambol ng puso ko.

“What in God’s name are you wearing, Diletta?” Halos itapon niya ako pabalik sa kama ko. His voice thundered. And so did my heart. “Bumaba ka pang nakaganyan lang?”

Teka lang, humahangos ba siya? At bakit abot-abot din ang hininga ko?

Kita ko ang paglaki ng butas ng ilong niya dahil sa inis. Nagdikit na rin ang mga kilay niya.

Binigyan ko naman siya ng matalim na tingin. “I have to talk to Sharenn!” paliwanag ko sa kanya.

“Det, are you okay?” May concern na bumahid sa magandang mukha ni Ate Jennifer na nasa pintuan, nakatayo at nakatingin sa ‘min.

“Ate Jen!” Nag-puppy eyes pa ako sa kanya. Kunwari nagsusumbong, “Si Kuya Gavin, eh!”

Lalong nagkiskis ang bagang ni Gavin nang tumingin sa ‘kin. “Not that again, Diletta!” sigaw niya.

“Bakit lagi mo na lang sinisigawan si Det, Gavin? Just leave her be. Nagluluksa pa nga ‘yan. Kalilibing lang natin kay Tita Dorina noong isang araw. Hayaan mo na si Det,” ang banayad na himok ni Ate Jennifer sa kanya.

Pumihit si Gavin paharap kay Ate. “Stay out of this, Jennifer, and leave us!” Itinuro niya pa ang direksyon pababa ng hagdan, sa kaliwa.

Bumuntong-hininga si Ate Jennifer. “Don’t tell me you’re going, Ate.”

“Just… listen to him, Det, all right?” Tumalikod na lang siya at isinara ang pinto.

Ganoon naman talaga siya parang walang away sa pagitan nilang dalawa ni Gavin. Para siyang tupa. I always believed she was the sweetest and kindest soul I’ve ever met. Parang tunay na kapatid ang turing niya sa ‘kin.

“Now, where were we?” May bahid na banta sa tono ng boses ni Gavin nang humarap siyang muli sa ‘kin. Pinasadahan niya pa ng tingin ang kabuuan ko, mula sa dibdib na kitang-kita dahil sa low neckline ng nightie hanggang sa hita at binti. “Do you know how those boobs show up and beckon men, huh?”

Napakuros ako ng mga braso para takpan ang dibdib ko. Nakaangat ang mukha kong inis na nakatingin din sa kanya. Kahit namumula ako sa hiya ay humarap pa rin ako sa kanya.

“Hoy! Kung makapagsalita ka parang n*****s na lang ang natabunan. Cleavage lang naman talaga ang nakikita. Katamtaman lang ang laki ng boobs ko, o, hindi kalakihan pero… masasabi kong medyo may laman din kaya mapapansin ng mga lalaki. Kasalanan ko ba kung babae ako at mapapansin ito ng mga lalaki kung sakali? Besides, wala namang nakakita kundi ikaw⸺”

“Huh! Are you telling me it’s okay to show off your body like that even if it’s just in my presence? Are you out of your damn little mind, Diletta? Hindi ka na bata! Litaw na litaw ‘yang maputi at makinis mong kutis.”

Right. Thanks to my Italian father, Stefano Mantovani, at sa mestisahin kong ina.

“Wala ka man lang bra!” pagpatuloy pa ni Gavin na nanggagalaiti. “Kita nga rin ‘yang mga hita mo, o. Nakalimutan mo yatang may slit hanggang baywang ‘yan? You’re just wearing some damn flimsy panties underneath that skimpy nightie for heaven’s sakes! You’re seducing men even without your knowing it!”

Napamaang ako at nanlaki ang mga mata sa sinabi niya. “A-ano? Ano’ng pinagsasabi mo? Kita mo ngang wala pang suklay ‘tong magulong buhok ko at wala pa akong hilamos. Para nga akong impakta sa lagay na ‘to, tapos kung makapag⸺” Bigla akong napahinto sa pagsasalita nang lumapit siya sa kama.

Napalunok tuloy ako.

“What did you say? Mukha kang impakta?” Napangisi siya nang mapakla habang hinagod ako ng tingin sa mukha pababa sa katawan ko. “You’ve no idea what you’re talking about, Diletta. The way you look earlier and right now is enough for a man to see wild… sexy fantasies on his mind with you as the object of his desire!” Mahina lang ang boses niya pero ramdam ko ang init ng mga salita niya.

Hindi ko alam pero bakit parang biglang uminit sa kuwarto kong de aircon? Nanuyo pang lalo ang lalamunan ko at makailang beses na akong napalunok habang nakatunghay siya sa ‘kin. Bakit ba kasi ito ang epekto niya sa ‘kin nitong huling mga araw? Before, he was nothing but just an irritating and freakishly handsome bulk of muscles. Ba’t iba na ngayon? He sent some flirty little fairies to tickle my stomach and abdomen just by his closeness and his scent.

Napalunok akong muli nang inilapit niya ang kanyang mukha sa ‘kin. I dared not breathe. Wala pa nga pala akong sipilyo. Eww! Gross.

Tinutop ko ang ilong at bibig ko samantalang halos magpalit ng puwesto ang dalawang mata ko. Ano ba ‘tong ginagawa niya sa ‘kin?

“Don’t you ever go out of your room like that again, Diletta. I’m warning you. You’re not going to like what I’ll do to you.” Tumuwid siya sa pagkakatayo at nakatingin sa ‘kin nang nakasimangot na naman. “Go, take a shower and come downstairs to have your late breakfast. Tapos na kami ni Jennifer.” Sinulyapan niya ang kanyang relo. “I’ll be having an important board meeting after lunch. In the meantime, I’ll make sure you are well fed, understood?”

Hindi ako umimik at nagtagis na lang ng bagang.

Pakialam niya kung hindi ako kumain kahapon?

“I know what you’re thinking. I don’t like that you’re not eating properly after Tita Dorina died, Diletta. Don’t make me shove the food down your throat. Are we clear?”