حبال الموت البارت السادس عشر

3169 Words

حبال الموت البارت الثامن عشر بقلم / غادة سعيد _ انت عاوز ايه مننا = طلع كل الي معاك انت والحلوة دي . . . . _ ارجوك متأذيناش انا عندي بنت . . . . . = عندك بنت و دايرة تلفي مع الرجاله في نص الليل _ اخرس دا جوزي . . . . . . فجأه وائل رما السكينه من ايه ب رجله وض*بة وطلع يجري خاف من وائل ولقا تا**ي معدي ركب هو وسلمي ووداها علي بيتها . . . . اول ما وصلت دخلت نامت لأخ الوقت كان متأخر اوي . . . . . . وفضل وائل عالحال ده اسبوع يتصل ب سلمي يتطمن عليها وبدأت تتقرب منه وتقريبا حبوا بعض . . . . . . وفيوم لقت فرح داخلة تقولها . . . . . _ انتي مش ماما . . . . . . = ايه الي بتقوليه ده يا فرح انا امك مين قالك كده . . . . . . _ طنط ميرفت قالتلي علي كل حاجه انتي طول الوقت ده كنتي بتضحكي عليا ومخبية عليا مين هي امي الحقيقية انا بكرهك وكلمت بابا يجي ياخدني عنده هو وماما الحقيقية انا ماشيه ومش هتشوفي وشي تاني = لا يا فرح متعمليش فيا كده انا ضحيت بكل حاجه عشانك انتي بس انا خسرت كل حاجه عشان ا**بك تروحي تعملي كده فيا يعني ميرفت خدت بناتي الاتنين و جوزي . . . اوعي تسيبيني يافرح . . . . لكن للأسف مشيت فرح وسلمي حصلها صدمة نفسية مبتاكلش ولا تشرب وقاله علي نفسها الاوضة طول اليوم كانت بتموت بالبطيء حاولت تكلم ميرفت وكان ردها _ امال انتي فكراني هسيبلك بنتي انا بس كنت بقضي كام يوم مع جوزي ورجعت فهمتها كل حاجه = انتي ازاي بالقسوة والحقارة دي انتي مش انسانه وانا هدفعك التمن غالي _ ولا تقدري تعملي حاجه لأنك جبانه ومش اد كلامك . . . . . سلمي قعدت فترة مش مستوعبة الي حصل ومامتها كلمت وائل ياخدها علي دكتور نفسي لأنها كده هتموت منهم وبالفعل دخلت مصحة نفسية وهناك قابلت محمد كان بيتعالج هو وكام حد تانيين وكل واحد بيحكي قصته عشان يهونوا علي بعض ويضيعو الوقت _ احكيلنا قصتك انت الاول يا محمد = هحكيلكم بالتفصيل بابا انسان محترم كل الناس بتحسدني عليه بس هما ميعرفوش حاجة... شايفينوا من بعيد بس ... الله يسامحك يا بابا انت السبب فكل الي وصلتله دا.... بابا الله يسامحه معاه فلوس متتعدش ومستخسر في ولاده الجنيه.... كان معيشنا ولا ولاد الشحاتين... مفيش فلوس... مفيش مصروف.... كنت دايما ابص ل اصحابي الي هما اقل مني اهلي مش بيعملو معايا ربع الي اهل اصحابي بيعملووه.. قررت اشتغل واعتمد علي نفسي عشان مبصش لحد من اصحابي اشتغلت في سن صغير جدا من وانا في اولي اعدادي اخلص مدرسه وارجع عالفرن اشتغل لحد بليل ... كنت وقتها باخد فاليوم ١٠ جنيه ... مع ان ابويا معاه يديني ١٠٠ مش ١٠ ابتديت احوش عشان مخليش في حاجه في نفسي وابويا ولا همه اني متبهدل بين الدراسه والشغل مكنش بيطلع الجنيه كده... بخيل بطريقه فظيعه.... كنت بتمني ليه الموت عشان اقدر أخد نفسي شويه ... ويطلع حاجه من الفلوس الي بيكنزها دي... الناس كانت بتستغرب انا ازاي ابنه وبشتغل في فرن... وازاي عايش في فيلا ومش معايا الجنيه... امي مكنش ليها اي كلمه عليه بس هي كانت مقهورة علينا .. كنت دايما بشتيكلها واقولها يا ماما حرام الي بيعمله دا احنا معانا الي يكفينا وزياده ليه معيشنا علي طول في فقر كده _ معلش يامحمد استحمل وادعيلو حالو يتصلح... _ انا زهقت يا ماما خلاص من الذل دا... عدا سنتين وعلي نفس الحاله ذل وق*ف بقيت بتمني اكون فقير بس ابويا يحس بيا والاقيه جاي يكلمني ويسألني مالك زي بقيت ابهات اصحابي.... دخلت ثانوي عام وطبعا كان محتاج مذاكرة ومصاريف دروس وهو ولا هنا.... انت راجل واعتمد علي نفسك متطلبش مني فلوس دي كانت القاعدة بتاعته... وفلوس الفرن دي مكنتش هتقضي دروسي .... قررت اشوف شغلانه تانية عشان اقدر اكفي مصاريفي... اعدت ادور كتير مفيش شغلانه مناسبه ل وقت دروسي... لحد ما في واحد الله يسامحه قالي.... _ بقولك ايه ما تيجي تشتغل معانا بليل ساعتين بس وهتروح بال ١٠٠ جنيه مقفولة _ شغلانه ايه دي الي ساعتين بس... _ مفيش الزباين هتجيلك وانت هتديهم الي يطلبوه بس بحذر مفيهاش اي صعوبه يعني.... _ اديهم ايه مش فاهم... _ ما تفتح مخك شويه يا محمد هتديهم ايه يعني ... ترمادول _ حشيش _ بودرة الي يطلبوه وكل متبيع اكتر نسبتك هتزيد... _ انت اتجننت انت ازاي تقولي كده ..... احنا ناس محترمه ملناش فالسكه دي _ والله انا قلت اساعدك لو عاوز في اي وقت انا موجود _ ربنا يبعدنا عن السكه دي ..... اعدت ادور علي شغل لحد ما تعبت كل الشغل الي بلاقيه مش مناسب علي مواعيد دروسي وانا لازم اكمل تعليمي... ومبقاش اقل من صحابي.... للاسف شيطاني غلبني وخلاني اروح اشتغل الشغلانه الهباب دي.... كنت ببيع الاول وكان واحد ماسكنا لحد ما بقيت الكبير بتاعهم وفي ناس شغالة تحت ايدي ... كل دا وانا طفل في تالته ثانوي.... كل الناس عرف*ني وعرفت السكه الي ماشي فيها .... كل اصحابي بعدو عني ومبقاش ليا اصحاب... وابويا وصلو الكلام ولا كأن في حاجه .... مادام مش بطلب منه فلوس يبقي كده انا تمام.... بقي كل صحابي ديلرات ... وبرغم الشغلانه الزفت دي الا اني كنت محافظ علي دروسي ... ومكنتش بشرب اي حاجه ولا حتي سجاير .... كنت برجع من المدرسه اروح الدرس وأعد اذاكر وانزل عالشغل.... فضلت كده فترة لحد ما في يوم واحد كان جاي يشتري مني حاجه.... ومعجبهوش السعر ... رحت طارده وقلتله الناس كتير حواليك متشتريش مني... ويارتني ما قلت كده .... انا مكنتش اعرفه ولا اعرف هو مين ولا ابن مين ولا ايه الي وراه.... طلع ابن واحد كبيير اوي عرباوي.... ومكنتش اعرف انهم هيغدرو بيا ... تاني يوم وانا راجع من الشغل... انا متعود بمشي من شوارع ضلمه عشان ارجع علي بيتي ... لقيت فوق ال ٢٠ واحد قفلو الشارع والولد دا جالي ... وكان ناوي يموتني.... طعني بلمطوة في كل اجزاء جسمي .... انا قلت خلاص انا ميت.... الطعنات في ايدي ورجلي وص*ري ... وسابوني ومشيو.... بالصدفه كان في بنت وباباها راجعين بلعربيه لاقوني مرمي عالارض غرقان في دمي.... نزلو يجرو والبنت قعدت تصوط لما شافت منظري.... خدوني علي اقرب مستشفي.... دخلت العمليات والدكتور لما فقت قالي ... احنا لحقناك علي اخر لحظه .... لولا ان الاستاذ والأنسه جابوك كان زمانك ميت وبتتحاسب دلوقتي.... بصيتلهم عشان اشكرهم.... لقيت ملاك واقفه قدامي مش انسانه.... بنت زي القمر عمري ما شفت في جمالها.... بتبصلي وتقولي بمنتهي الرقه _ حمد الله علي سلامتك انت كويس _ انا مش عارف اشكركم ازاي... _ تشكرنا علي ايه انا وبابا عملنا الواجب _ حمد الله علي سلامتك يابني متقلش كده انت زي ابني و من دور بنتي جنة _ انا اسمي محمد تشرفت بمعرفتكم ... ممكن تسيبولي رقمكم عشان اشكركم... _ طبعا يابني اتفضل.... باباها ساب رقمه وخد جنة ومشي... اسمها جنة وهي فعلا شبه الجنة جميله بكل تفاصيلها.... فضلت مسيطرة علي تفكيري طول منا فالمستشفي وبقول يارب تيجي تاني.... وفي عز مانا بفكر فيها لقيتها داخله عليا هي وواحدة صاحبتها... وبتقولي... _ انا حبيت اتطمن عليك عامل ايه دلوقتي _ بقيت كويس لما جيتي ... لقيتها ات**فت وحطت وشها فالارض... _ جنة... _ نعم... _ ممكن اخد رقمك عاوز اتكلم معاكي شويه... ادتني رقمها بعد إلحاح مني.... وطبعا وانا فالمستشفي ابويا اتكرم ودفعلي فلوس العلاج عشان منظره قدام الناس خصوصا ان اصحاب المستشفي يعرفوه كويس.... خرجت من المستشفي بعد شهر علاج وعذاب .... لكن الدكتور قالي صدمه عمري.... قالي... _ للأسف يامحمد انت مش هتقدر تخلف كان في جرح عميق عند أدي للعقم الدائم وحتي مينفعلهوش عمليه ... انت تقدر تتجوز عادي وتمارس حياتك لكن خلفه لا.... علي أد ما كنت مصدوم علي أد اني مزعلتش اوي.. اجيب عيال ليه .... عشان يشوفو المرمطه الي شفتها انا طول عمري عايش في ذل.... روحت البيت وانا في نيتي اني هتغير وهحاول ارجع اكلم صحابي بتوع زمان وهفتح صفحه جديدة.... اول حاجه عملتها كلمت جنة.... _ ازيك يا جنه... _ مين معايا... _ انا محمد انتي مسجلتيش رقمي... _ لا نسيت بصراحه... _ انا مش عارف اشكركم ازاي انتو انقذتو حياتي.... _ اي حد مكانا كان هيعمل كده دا واجبنا.... _ جنة انتي حد قالك انك حلوة اوي ورقيقه.... سكتت خالص وحسيتها ات**فت... انا بكلمك بجد مش بهزر... _ شكرا ليك بجد مجاملة لطيفه منك... _ هو انا ممكن اقابلك.... _ لا طبعا انا مش بعمل حاجه من ورا اهلي... _ انا هكلم باباكي واحدد معاه معاد وأجي اتقدملك _ بالسرعه دي احنا حتي ملحقناش نتعرف علي بعض.... _ هنتعرف وقت الخطوبة ..... _ لا انت شكلك متهور اوي ومجنون... _ هتصدقيني لو قلتلك اني من ساعة ما شفتك مغبتيش عن بالي لحظه.... _ شكرا ليك بجد وعالعموم رقم بابا معاك اي حاجه كلم بابا... قفلت التليفون وعجبني فيها أدبها واخلاقها... ودلوقتي لازم اقول ل اهلي اني عاوز اخطب ..... يا ترا رد فعلهم هيكون ايه.... طلعت برة افاتحهم فالموضوع.... _ بابا انا عاوز اخطب... لقيته فضل يضحك كتير اوي.... _ انت اهبل يابني انت لسه عيل مطلعتش من البيضه... _ بس انا معجب بواحدة ومش عاوز اعمل حاجه غلط. ... _ ابعد عني الي عاوزو اعمله لكن انا مش هد*ك جنيه من الاخر كده.... دخلت الأوضه وانا م**ور وبفكر هعمل ايه مش عايز جنة تضيع مني كلمتها فالتليفون وفهمتها علي وضعي واني هعمل اي حاجه عشان اتقدملها بس هي تستناني.... وقررت اسيب الشغل الزفت دا عشانها.... بقيت اشتغل في كل مكان وبطلت دروس عشان اقدر اشتغل فترتين ..... الامنتحانات جت وجبت مجموع دخلني كليه.... اي نعم مش هي الكليه الي كنت بحلم بيها لكن الحمد لله ان جالي كلية..... فضلت طول فترة الاجازه مطحون فالشغل... ليل نهار مبنمش غير ساعتين... لحد ما قدرت اجمع فلوس الشبكه ورحت اتقدمت وباباها رحب بيا خصوصا لما عرف مين ابويا ومستوانا عامل ازاي ... مهو معذور ميعرفش حاجه وجنة محكيتلهوش اي حاجه عشان كانت متمسكه بيا وخايفه لو عرف هينهي الموضوع.... حددنا معاد الخطوبه كنت فرحان اوي.... وبدأت انا وجنة نتكلم ونتعلق ببعض.... حبيتها فوق الوصف..... ويوم الخطوبة جه وكانت زي القمر... اليوم عدا علي خير.... ولما روحنا لقيت ابويا بيقولي... _ يلا يا محمد اتجدعن عشان توضب شقتك الي فوق _ بس دي عالطوب الاحمر يا بابا هجيب منين فلوس تشطيب وعفش... _ معرفش انت مش راجل وبتعرف تخطب وتتجوز... دخلت اوضتي وانا بدعي عليه حسبنا الله ونعم الوكيل ... يعني انت بتنكد عليا في اكتر يوم مبسوط فيه.... عدا شهر وانا شقيان فالشغل.... بس لو اشتغلت كام سنه عشان بس اشطب الشقه..... عدا سنه علي نفس الحال... كنت ساعتها في ٣ جامعة ... اهل جنة بدأو يسألو هتوضب الشقه امتي ... انت بقالك سنتين معلقنا معاك ومش بتتقدم خطوة.. وجنة بدأت تزن عليا لحد ما خلاص زهقت من نفسي ومنها ومن كل حاجه.... مبقتش انا وبقيت اتخنق لما تتصل بيا بعد ما كنت هموت عليها.... هي فضلت متمسكه بيا لحد اخر لحظه ... بس انا **رتها ورحت عرفت عليها واحدة بتشتغل في كباريه... واليوم الي كان المفروض هنبدأ نوضب فيه وكانت متفقه معايا تقابلني ونخرج ونشتري مع بعض الحاجه.... كنت انا سهران مع البنت التانيه.... وفي واحدة صاحبت جنه شاف*ني وانا معاها في كافيه كلمت جنه وقالتلها... وفي لحظه باعتتلي رساله ان كل الي بينا انتهي وتعالي خد شبكتك.... موضوع جنة انتهي في لحظه ودخلت في مرحلة اكتئاب... وكله بسبب ابويا لو كان وضبلي الشقه مكنش كل دا حصل... فضلت مع الشيطانه الي بكلمها.... كانت دايما توزني عالغلط.... وخلتني ع طول سهران فالكباريهات وبشرب م**رات... خلتني بني ادم تاني.... وفيوم وانا سهران معاها.... لقيت راجلين شكلهم اغنيا جدا مش مصريين خليجيين تقريبا... جالي فكرة جهنمية اني ازقها عليهم ... خصوصا انهم باين عليهم عينهم زايغه علي اي بنت تعدي.... اتفقت معاها انها تروح تتكلم معاهم ولو جت فرصه تروح معاهم البيت.... وتحطلهم منوم فالعصير وينامو وترنلي ادخل اسرقهم.... وقد كان الخطه حصلت زي مكنت مخطتلها بالملي... ولقيتها بترنلي .... دخلت عليهم فالبيت الي مأجرينو.... سرقت ١٥٠ الف جنيه وتليفونات احدث انواع.... وخدتها ورحنا علي بيتها..... شيلت الفلوس عندها وفتحت التليفونات وشفت مفجأه ... شفت صورهم مع اولادهم واد ايه باين عليهم ناس محترمه... ومتصورين وهما بيحجوا..... وفي نفس الوقت لقيت ليهم صور فظيعه وافلام وهما سكرانين.... اعدت افكر منا لازم استفاد منهم... لقيت تليفون حد منهم بيرن.... ولقيته واحد فيهم بيترجاني ارجع التليفونات ومجابوش سيرة الفلوس خالص كان اهم حاجه عندهم التليفونات عشان ميتفضحوش..... لو الفيديوهات دي اتسربت هتبقي فضيحه ليهم خصوصا ان شكلهم ناس مشهورة فالخليخ.... فضلت افكر ولقيتني بقوله عاوز التليفونات هات مليون جنيه.... _ انت اتجننت انا كده كده هجيبك.... _ طيب ابقي وريني هتاخد الافلام الي معايا ازاي... قفل فوشي ..... مكنتش اعرف انا بتكلم مع مين ولا ان الموضوع كبير.... تاني يوم كانت الدنيا مقلوبه عليا والبوليس بيدور عليا فكل مكان .... انا خفت جدا وسيبت التليفونات في مكان وكلمتهم قلتلهم مكان تليفوناتهم... واختفو ساعتها وانا خدت الفلوس الي كنت سارقها منهم.... ولأن المال الحرام مش بيدوم ... الفلوس اتصرفت فالسهر وعلي الزفته الي كانت معايا.... وانا زي مانا ... حتي الجامعه مش بروحها غير فالامتحانات ... اروح اغش كلمتين وانجح بالبركه.... لحد ما اتخرجت...... وزهقت من حياتي حقيقي نفسي ابقي بني ادم محترم اول حاجه لازم اعملها اني ابعد عن الشيطانه الي ضيعتني دي وضيعت حب عمري مني... بس هي مكنتش سيباني في حالي كل ما ابعدها تلزق فيا اكتر... مش عارف اتخلص منها .... لدرجه انها اعدت تهددني لو سيبتها هتفضحني وتبلغ عني عشان الفلوس الي سرقتها.... اتغصبت اني اكمل معاها.... انا الي عملت كده فنفسي.... اهلي مباقوش يعرفو عني حاجه خالص .... بقيت عايش معاها في بيتها.... لحد ما جت فيوم وقالتلي.... _ احنا لازم نتجوز.... الناس عماله تسألني انت مين.... _ نتجوز ايه انتي اتخبلتي... انا اتجوزك انتي.... _ وانا مالي ان شاء الله دانت من ساعة ما عرف*ني والفلوس لعبت معاك.... _ يارتني ياشيخه ماعرفتك.... _ طيب يا نتجوز يا هتعرف انا هعملك ايه كل فضايحك معايا يامحمد وانت لو بعتني انا هبيعك.... اعدت افكر طيب اقتلها وادخل فيها السجن ولا اعمل ايه.... يعني هضيع نفسي عشان واحدة زي دي.... خلاص انا هتجوزها واكرهها فنفسها واخليها هي الي تسيبني... _ خلاص انا موافق نتجوز بس عندي شرطين اولا هنتجوز عرفي... ثانيا هتسيبي الشغل بتاعك وتترزعي هنا فالبيت _ ماشي وانا موافقه بس نتجوز وخلاص.... اتجوزنا وكان يوم اسود يوم ما اتجوزنا.... كل الناس بقت تتكلم عليا خصوصا انهم عارفين انها كانت ايه... قعدت من الشغل واتطريت اكمل شغل فالق*ف الي كنت شغال فيه عشان اسد مصاريفها.... كانت عندها واحدة صاحبتها دايما بتيجيلها وتبات عندنا .... معرفش ازاي اهلها سامحينلها بكده..... وهي ازاي بتجبها تبات وانا فالبيت كده.... وفيوم لاقيتها بتقولي... _ انت مش ملاحظ ان نظرات سارة ليك بقت كتير.... _ لا مش ملاحظ وبعدين هو انا الي بجيبها هنا ولا انتي... _ ماشي بس لو حسيت ان في بينكم حاجه هقتلكم انتو الاتنين سامع.... _ بت احترمي نفسك وانتي بتكلمي جوزك وياريت متجبيش صاحبتك تبات هنا تاني .... عيب اوي لما جوزك يكون موجود وتجيبي واحده تبات فنفس البيت.... _ ماشي منا اصلا مش هجبها تاني عشان مبقتش ارتاحلها... وفيوم كانت هبة مراتي تحت.... ولقيت الباب بيخبط افتكرتها رجعت فا فتحتلها... لقيت سارة في وشي ومنهارة من العياط.... _ مالك يا سارة تعالي اتفضلي.... _ امي طردتني من البيت ومش عارفه اروح فين.... دخلت وقفلت الباب ومش عارف افهم حاجه من كلامها عشان كانت منهارة. . . . . . . . . . . . فجأه لقيت الباب بيفتح ولقيت هبه في وشي وانا قاعد جمب سارة بهديها . . .. . . . . . . . . . . لقيتها برقت كده ووشها مقلوب . . .. . . . . . . _ سارة لسه جيه ياهبه ومش عارف مالها انا هنزل اشتري شويه طلبات واسيبكم تتكلموا مع بعض شويه . . . . . . . . . . سكتت ومردتش عليا . . . . . . . ... . .. . . . . لبست ونزلت قلت اعد عالقهوة شويه واسيبهم براحتهم انا مش ناقص وجع دماغ . . . . . . . . . عدي بظبط ربع ساعة ولقيت تليفوني بيرن . . . . . . . . . _ الحق بسرعه يامحمد مراتك عملت مصيبه . . .. . . . . . . . جريت عالبيت زي المجنون واول ما دخلت لقيت سارة غرقانه في دمها .. . . . . . . . . . . . . . وهبه منهارة وبتقول.... _ والله العظيم مكنش قصدي اقتلها انا كنت بهوشها بس والسكينه لمست رقبتها غصب عني . . . . . . . . . _ يابنت المجنونة . . . . . . . . . اتصلت بالشرطه فخلال عشر دقايق كانوا جم البيت رفعو الب**ات . . . . . . . . . . .. وخدوني وخدوها . . . . . . . . . . . بيتوني فلحجز يومين وطلعوني لاني مليش اي ذمب . . . . .. . . وهي اعدو يحققو معاها وقالتلهم انها قتلتها عشان بتغير عليا منها . . . . . . . . . .. .. الخبر انتشر في الجرايد بسرعه البرق . . . . . . .. . . وهي لحد الان محبوسة علي ذمه التحقيقات . .. . . . . . . وانا مش فارق معايا ان شالله تاخد اعدام وابقي خلصت منها.... رجعت بيتنا واعدت ابوس ايد امي وابويا .. . . . . . . . . . وفعلا حسيت بقيمتهم . . .. . . . .. . .. بابا كان بيعاملني وحش فعلا لكن عالاقل وانا قاعد معاه كنت بروح كل يوم بيتنا وانا حاسس بالأمان . . . . . . . . . . . مش خايف من حاجة . . . . . . . . .. نار بابا ولا جنة الناس الي كنت اعرفهم . . . . . . . . . . قررت اني خلاص اتوب . . . . . . . . . . مكنش ينفع اكمل فالسكة دي . . . . . . . . . كفاية اوي الي حصلي . .. . . . .. اتقربت من ربنا وبقيت اروح اصلي فالجامع . . . . . . . ورجعت كلمت صحاب زمان.... بابا لما شافني كده هو كمان اتغير وجابلي عربيه اشتغلت عليها في اوبر. . . . وفلوسي بقت حلال . . . . . . . . . بابا كان فرحان بيا اوي . . .. . . . . . .. ولقيته جاي يقولي . .. . . . . . . . _ انت فاكرني اني بخيل عليك انا يعني هشيل الفلوس دي ل مين انا كنت بس عاوز احس انك راجل وتقدر تتحمل المسؤليه واي حاجه هتطلبها هتلاقيها . . . . .. . . . .. . وراح حاضني . .. . . .. . . اول مره احس ان بابا بيحبني بجد . . . . . . . . هو اكيد مكنش بيكرهني بس انا مكنتش شايف كويس انا كنت انسان مستهتر غير متحمل للمسؤلية . . . . . . . . حياتي اتغيرت للاحسن . . . . . . . . . . . وبحاول ارجع ل جنه بس هي مش موافقة . . . .. . .. لكن هفضل احاول لحد اخر يوم في عمري .. . . . . . . . بس فيوم صحيت علي اتعس يوم في حياتي هو وان جنة عملت حادثة واتوفت وسابتني لوحدي انا مش عارف اتعافي من حبها انا بموت كل يوم بالبطيء مفتكرش ان في حد ممكن ياخد مكانها . . . . . كل الي قاعدين دمعوا وطلبوا من سلمي تحكي قصتها لكن هي رفضت تحكي غير لما تسمع باقي القصص لأنها مش قادرة تحكي دلوقتي يتبع

Free reading for new users

Scan code to download app

App Store Google Play

Facebookexpand_more