حبال الموت البارت السابع عشر

3697 Words

حبال الموت البارت التاسع عشر بقلم غادة سعيد قعدوا يتكلموا شوية وكان معاهم راجل سنه كبير وباين عليه الحزن اوي **موا انهم يعرفوا حكايته _ حكايتي بدأت لما لقيت ابني جاي بيقول _ إلحق يا بابا ماما رمت نفسها من البلكونه ....... _ انت بتقول ايه يا ماجد ازاي وامتي....... ..................... قبل شهر من الحادث...... _ هالة انتي يازفته يالي اسمك هالة..... _ في ايه يا عاطف وايه زفته دي انا مراتك ..... _ هو دا اسلوبي ولو مش عاجبك الباب يفوت جمل... غوري اعمليلي شاي .... = في ايه يابابا مينفعش تكلم ماما بالاسلوب ده عيب كده دي مهما كان الي شيلانا والبيت من غيرها ولا حاجه.... _ اسكت انت دي ولية بومه دانا نفسي اخلص منها واعيش حياتي .... = انا هقوم من جمبك عشان انت شكلك كبرت وخرفت.... _ انت بتقول ايه ياض انت طب قوم بقي من هنا عشان هقوم اموتك من الض*ب. .. كتابات ل ghada saeed ......................... _ ماما والنبي متزعليش من بابا دا بيحبك.... = بيحب مين يا ماجد انت بتكدب علي نفسك ولا عليا .... ابوك مبيحبش غير نفسه بس .... انا حاسه ان هيجرالي حاجه بسببه انا والله استحملت ٢٠ سنه جواز معاه عشانك انت بس اوعدني لو جرالي حاجه تخلي بالك من نفسك ياحبيبي.... _ اوعي تقولي كده ياماما انتي لو جرالك حاجه انا هموت وراكي انا مقدرش اعيش من غيرك.... = فيييين الشاي ياوليه.... _ خد دخله انت الشاي عشان مش طايقه ابص في وشه... _ حاضر ياماما.... _ اتفضل يابابا ممكن اعد اتكلم معاك شويه... = مع اني مش فايقلك بس اقعد خير عاوز ايه.... _ بابا انت ليه بتعامل ماما كده دي طول عمرها مستحملاك وشايلة البيت كلة ليه بتعمل فيها كده... = بص انت كبرت وانا مش هخبي عليك حاجه وهحكيلك انا ليه بعمل معاها كده.... كتابات ل ghada saeed انا كنت بحب واحده زميلتي فالجامعه وكنت متفق معاها عالجواز وابويا غصب عليا اتجوز امك عشان هي بنت عمي ورفض يجوزني الي بحبها وانا من ساعه متجوزتها وانا بحاول اطفشها عشان ارجع لزميلتي وهي مش بتطفش لحد ما جبناك واتمسكت بيا اكتر عشانك وعشان متترباش بعيد عني..... _ طيب ومش حرام عليك بعد عشرين سنه جواز ولسه بتعاملها نفس المعاملة.... = انا حر ياسيدي انا مش بطيقها وقوم من هنا بقي عشان اتف*ج عالماتش..... _ الغدا جاهز احطه دلوقتي؟!!! = ايوة ياماما حطيه انا جعت اوي وريحه الاكل جوعتني _ حاضر ياحبيبي..... = ايه دا انا مش قولتلك ميت مرة انا مش بحب السبانخ عملاها ليه..... _ منا عملالك حاجه تانيه انا عملاها عشان ماجد بيحبها... = ماشي لحقتي نفسك كنت لسه هرمي الاكل فوشك... _ حسبي الله ونعم الوكيل فيك ياشيخ ..... ........ _ ماما انا نازل اقابل واحد صاحبي عاوزه حاجه.... _ لا ياحبيبي عاوزه سلامتك..... نزلت اقابل حسام صاحبي بدل جو البيت والخنقه الي بابا عاملها .... واول ما رجعت ودخلت البيت لقيت حاجه عمري ما هنساها ولا هتروح من بالي..... اول ما رجعت ودخلت البيت لقيت حاجه عمري ما هنساها ولا هتروح من بالي..... لقيت ماما مرمية عالارض ووشها فيه دم وعمالة تعيط ... _مالك ياماما ايه الي عمل فيكي كده ... بصيتلي وهي م**ورة ..... _ هيكون ايه ياماجد ابوك الي منه لله وانا بحط العشا وقعت عليه كوباية المية من غير ماقصد راح ضاربني بيها في وشي..... _ ماما انا مش هستحمل اكتر من كده يلا نمشي من البيت ده ونبعد عنه .... _ هنمشي ونروح فين ياماجد .... _ اي حته بس متقعديش معاه فبيت واحد كفايه اوي لحد كدة... دخلت عليه الاوضه وانا متعصب جدا..... _ ايه الي عملته في وش ماما دا انت اتجننت.... _ احترم نفسك مهي الي عامية وغرقتلي هدومي الي لسه لابسها.... _ تقوم تعورها في وشها .... كتابات ل ghada saeed _ الي حصل بقي وبعدين مانا اعتذرتلها.... سيبته ودخلت جوة وانا بحاول افكر ازاي اخد ماما ونمشي من البيت ده لكن انا مش ب ايدي حاجه حتي الجامعه لسه مخلصتهاش ومش بشتغل .... عدت الايام وتصرفات بابا بدأت تبقي اسوأ وإهانته ل ماما بتزيد لحد ما فيوم فاض بيها وقررت انها تنهي حياتها لمجرد انها تخلص منه لكنها متعرفش انها نهت حياتي انا كمان معاها ...... كتابات ل ghada saeed اليوم دا انا كنت نايم وسمعت صوت خبطه جامده صحيت مفزوع ومش عارف ليه كنت حاسس ان فيه حاجه حصلت قومت زي المجنون انده علي ماما فالبيت مش لقيها وسمعت صوت صويط فالشارع دخلت البلكونه لقيت ماما واقعه والناس حواليها.... _ إلحق يابابا ماما رمت نفسها من البلكونه... _ ايه الي بتقوله دا يا ماجد ازاي وامتي.... جريت اجري زي المجنون فالشارع وعلي مالاسعاف وصلت كانت ماما راحت وكأني كنت في كابوس.... معقولة ماما خلاص راحت الحاجه الوحيدة الحلوة في حياتي هعيش ازاي دلوقتي.... الناس جت تعزي وانا كنت في وادي تاني نفسي يطلع حلم واصحي منه.... بس الي كنت مستغربه هو برود بابا كأن هو الي قاتلها وقاعد ياخد عزاها..... الشرطه جتلنا البيت تاخد اقوالنا وعاينوا الحادث واتضح عندهم انها حالة انتحار ومش بفعل فاعل.... عدا اسبوع وانا قاعد طول اليوم فالشارع برجع البيت وقت النوم بس مش قادر ابص في وشه ولا اتكلم معاه هو الي وصل ماما تعمل كده فنفسها وخسرها دنيتها واخرتها.... وفمرة رجعت عالبيت لقيته دخل عليا الاوضه... _ انت مش بتكلمني ليه يا ماجد هو انا زعلتك في حاجه _ انت مزعلتنيش انت قتلتني انا مش مصدق الي حصل ل ماما بسببك... كتابات ل ghada saeed _ بسببي انا !!!! انت بتتهمني اني قتلت امك.... _ انت عملت فيها الي اكتر من القتل انت الي وصلتها تعمل كده في نفسها.... _ دا عمرها وعالعموم هسيبك انا دلوقتي لحد ما تهدي ونتكلم.... وخرج وقفل الباب.... نمت ومحستش بنفسي كنت تعبان جدا تقريبا ماكلتش من اسبوع كنت متعود ارجع الاقي ماما مجهزالي الاكل ونعد نتكلم انا وهي صحيت من النوم ودخلت اوضتها اقلب فالدولاب بتاعها عشان افتكرها واشم ريحتها وانا بقلب في هدومها لقيت ورقه وجواها صورة فتحتها ويارتني ما فتحتها خليتني اتمني الموت اكتر من الاول..... لقيت صورة ليا انا وهي وانا كنت صغير والورقه كان مكتوب فيها.... _ ابني حبيبي اوعي في يوم تزعل مني علي اي حاجه عملتها بس انا بجد مش هقدر استحمل العيشه مع ابوك ولو بتحبني خلي بالك من نفسك واوعي في يوم تفتكر ان في حد هيحبك زيي انت كنت كل دنيتي... قفلت الورقه وخدتها معايا عشان احتفظ بيها .... وطلعت برة فالصاله لقيت بابا قاعد يتف*ج عالتليفزيون ولا باين عليه الزعل علي الست الي ضحت بحياتها وعمرها عشاننا انا وهو وفالاخر حتي ميتزعلش عليها اسبوع علي بعضه.... _ هو انت ازاي بجد كدا يا بابا طيب حتي بين انك زعلان قدامي ولو بالكذب ..... _ يا ماجد دا عمرها وكلنا هنموت اعمل ايه يعني اقعد اعيط زي الحريم..... وبعدين مش نشوف المشكلة الي احنا فيها الاول ... _ مشكلة ايه؟ _ احنا بقالنا اكتر من اسبوع مأكلناش مين هيعملنا الاكل ويغسل هدومنا وهنتصرف ازاي فالبيت.... _ قصدك ايه يعني هتجبلنا واحدة تشتغل فالبيت.... _ مش بالظبط كده يعني ..... اصلي بفكر اتجوز.... _ تتجوز ايه هي ماما دي ممكن حد يتجوز بعدها وبعدين دي مكملتش اسبوعين ازاي تفكر تتجوز .... _ امال هنقعد كده مين هيشوف طلابتنا .... _ انا مش هقولك تعمل ايه اعمل ال انت عاوزه انا مليش دعوة ب حاجه.... كتابات ل ghada saeed وسيبته وخرجت برة البيت اتمشي شوية وانا ماشي قابلت واحدة معايا فالجامعه وساكنه جنبنا سلمت عليا ولقيتها بتعزيني وتقولي.... _ شد حيلك يا ماجد انت شكلك حزين اوي... = ماما يا هبة وحشتني اوي مش عارف اعيش من غيرها.... _ ان شاء الله تبقي في مكان احسن بس هي ازاي وقعت من البلكونه هي انتحرت زي مالناس بتقول.... _ انا اسف مش عاوز اتكلم فالموضوع ده ..... _ معلش لو كنت فكرتك ب حاجه تضايقك وربنا يرحمها ويصبرك انت وباباك انا همشي دلوقتي عشان ورايا مشوار.... اعدت افكر في كلامها واقول في دماغي يصبرني انا بس لكن بابا كان ناسيها من قبل ما تموت هو السبب في كل ده وهو الي عمل فيها كده..... فضلت اتمشي شوية لحد ما وصلت البيت اول ما دخلت لقيت بابا بيتكلم فالتليفون واول ما دخلت قفل علي طول وانا مسألتوش انت بتكلم مين..... _ تعالا يا ماجد انا طلب اكل تعالا عشان تاكل.... _ شكرا انا مليش نفس .... انا داخل انام.. _ انت حر انا مش هتحايل عليك خليك كده من غير اكل لحد ما تحصل امك.... _ ياريت متجبش سيرة امي خالص وروح دورلك علي عروسه .... _ مانا دورت خلاص ولقيتها وكنت عاوز احكيلك.... _ وهيفيد ب ايه لو انا عرفت يعني .... _ اصل انت عارفها فا قولت اقولك... _ هي مين دي!!!!!! _ انا هتجوز........ يتبع... انا هتجوز سماح بنت خالة امك .... _ ايه الي بتقوله دا دي أد عيالك اتقي الله... _ وايه المشكله اد عيالي هما موافقين وهتتجوز من غير ما تجيب اي حاجه دا هما ال**بانين..... _ بس انا من رأيي انك تبعد عن اي حد من طرف ماما كفاية الي عملته فيها انت عاوز تقضي عالعيلة كلها .... _ انا مش باخد رأيك انا خلاص اتفقت مع الناس انا بعرفك عشان متتفجأش... _ والله انت حر اعمل الي يريحك .... دخلت اوضتي وسيبته واعدت افكر في كلامه هو الراجل دا اتجنن مش كفايه ال حصل في ماما... وطبعا البت دي اهلها ناس غلابه ومغلوب علي امرها وهتتجوز واحد قد ابوها.... انا لازم اروح بكرة اتكلم مع اهلها واحزرهم وافركش الجوازة دي..... تاني يوم روحت عند اهلها ورحبوا بيا وقعدوا يتكلموا عن ماما وطيبتها وقد ايه انا شبهها في كل حاجه .... قاطعت كلامهم بموضوع جواز سماح من بابا بس بصراحه رد جوز خالة ماما صدمني.... _ وايه المشكلة يا ماجد هو احنا هنلاقي نسب احسن منكم انتو ناس محترمه .... _ انت ازاي توافق ان بنتك تتجوز واحد اد ابوها.... _ ولا هو عيب ولا حرام انت جاي تفركشلنا الجوازه.... _ كل دا عشان الفلوس.... _ لولا انك ابن واحدة غالية علينا احنا كنا طردناك من بيتنا مشيت وسيبتهم بس الي لفت نظري رد فعل سماح كانت ساكته خالص وعيونها كلها حزن وبتبصلي بنظرة ان**ار ..... بس هي خلاص مفيش في ايديها حاجه تعملها..... كتابات ل ghada saeed الفرح اتحدد بعد اسبوع وكل الناس بقت مستغربه ازاي هيتجوز وماما مكملتش شهر ميته ..... جه ميعاد الفرح وراحوا عشان يكتبوا الكتاب ولقيته بيصحيني.... _ انت مش هتيجي معايا عشان تحضر كتب كتابي.... _ لا مش هاجي ولو انت نسيت ماما انا عمري ما هنساها _ عنك ما جيت ان شاء الله تحصلها قريب.... _ يارب عشان ارتاح من الي بتعمله ..... راح العريس علي كتب الكتاب وانا قعدت فالبيت اصلي وادعي ل ماما ان ربنا يرحمها مهو مش هيبقي عذاب فالدنيا والاخره.... كتابات ل ghada saeed وجه بليل فتح الباب كنت قاعد فالصالة..... _ تعالا يا ماجد سلم علي سماح مرات ابوك..... _ ازيك يا سماح... _ الحمد لله وهي اصلا وشها مخطوف وشكلها مش طيقاه وهو راجل مبيحسش..... سيبتهم ودخلت اوضتي وقفلت علي نفسي مش عاوز ابص في وش حد ..... تاني يوم صحيت بدري عشان انزل اروح الجامعه بقالي كتير مش بروح ..... بس اتفاجأت ان سماح قاعدة فالصالة وهو كان نايم ومنهارة من العياط.... _ في ايه يا سماح مالك .... _ مفيش حاجه... _ ازاي مفيش دانتي شكلك يقطع القلب ..... يتبع _ ابوك دا مش طبيعي.... _ ازاي. ... _ اوعدني انك مش هتقوله .... _، اوعدك قولي في ايه.... _ دا راجل مجنون لقيته بينادي عليا ب اسم غير اسمي ولما سألته مين دي مسكني وقعد يض*ب فيا لحد ما كنت هموت في ايده وراح داخل نايم..... _ شوفتي انا حذرتكم من قبل ما تتجوزيه وقولتلك ان الجوازه دي متنفعكيش .... _ وانا ذنبي ايه الله يسامحك يابابا انت وماما عالوقعه السودة دي .... _ انا نازل دلوقتي ومتحاوليش تضايقيه خالص احسن يض*بك تاني ولو فيه حاجه كلميني.... _ حاضر.... نزلت وانا بفكر الراجل اتجنن عالاخر عاوز يموتها زي ما موت امي انا هحاول ادور علي شغل عشان ابعد عن وشه واشوفلي بيت بعيد عنه.... اول ما وصلت الجامعه لقيت تليفون بيرن اول ما رديت... كتابات ل ghada saeed لقيت سماح بترد .... _ الحقني ياماجد تعالا بسرعه.... جريت زي المجنون عالبيت لقيت البنت ياعيني راسها مفتوحه وغرفانه في دمها..... _ في ايه ياسماح ايه الي حصل.... _ والله ما اعرف انا حطتله الفطار ومكلمتوش خالص لقيته بيقولي .... _ مش هتعدي تطفحي _ لا مش واكلة حاجه ولا عاوزة اعد معاك اصلا وهكلم ابويا يجي ياخدني .... راح حادفني بالطبق الازاز وفتح دماغي وساب البيت ومشي .... _ مقالش هو رايح فين .... _ لا ... كتابات ل ghada saeed طب اهدي انتي بس واكتمي الدم دا بحاجه لحد ما اشوفلك دكتور.... _ لا ملوش لزوم يا ماجد انا عاوزه اكلم بابا يجي ياخدني بس مش عارفه رد فعله .... وبالفعل اتصلت بيه وحكيتله ع الي حصل لكن رده كان بارد اوي وفاجئنا ..... _ استحملي يابنتي احنا معندناش بنات تطلق... قفلت التليفون وانهارت من العياط ولقيتها بتقول .. _ مكنتش اتمني ابدا دي تكون حياتي كان نفسي اتجوز حد من سني ونفهم بعض عملت ايه انا عشان يحصل معايا كل دا .... بصراحه صعبت عليا جدا خصوصا انها بنت محترمه وفعلا متستاهلش كل دا ... اعدت اطبطب عليا واواسيها فجأه باب البيت اتفتح وبابا دخل وانا بطبطب عليها ولقيت وشه اتغير خالص ... _ انت بتعمل ايه هنا وانا مش فالبيت _ جاي اشوف البت الغلبانه والي انت عملته فيها _ ولا جاي تنتهز الفرصه ان ابوك مش فالبيت وتعد معاها لوحدكم ... _ ايه الي انت بتقوله دا انت اتجننت انا هبص لمرات ابويا.... _ انت فاكر اني معرفش انك رحتلهم عشان تمنع الجوازه دي كل دا عشان انت بتحبها... _ احب مين انت عاوز تلبسني اي مصيبه وخلاص _ اطلع برة البيت دا ومشوفش وشك فيه تاني ابدا .... طلعت من البيت وانا مش مستوعب ايه الي قالوا دا ولا مصدق الي بيحصل وماشي مش شايف قدامي اخر حاجه سمعتها هو صوت فرامل عربيه وساعتها محستش ب حاجه تاني.... _________________________________ كتابات ل ghada saeed تليفون البيت رن.... _ الو ... _ ايوة لو سمحت صاحب التليفون دا عمل حادثه ودا كان اخر رقم متصل بيه لو حضرتك تعرفه تعالا دلوقتي حالا في مستشفي النيل ...... _ انت بتقول ايه رد عليا ابني حصله ايه .... فجأه السكه فصلت.... جريت زي المجنون عالمستشفي .... ماجد فين ....ابني فين ... لقيت دكتور ... _ ابني فين حد كلمني وقال انه عمل حادثه ابني كويس صح رد عليا .... _ حضرتك والد الولد الي لسه عربية خبطاه.... _ ايوة حد كلمني ابني فين ابوس ايدك .... _ روح اسأل عليه فالمشرحه البقاء لله .... _ مشرحه ايه انت مجنون انا لسه كنت معاه انت بتضحك عليا .. جريت زي المجنون عالمشرحه اسأل لكن الي واقف بره رفض يخليني اشوفه.... _ ابنك تعيش انت مش هتقدر تشوفه لأن جسمه مفيهوش حته سليمه انا اسف ... _ لا يارب متعاقبنيش ب ابني الي مليش غيره فالدنيا انا اسف يا ماجد انت ميت يا حبيبي زعلان مني انا عارف انا السبب ضيعتك وضيعت امك يارب خدني عشان متعذبش ..... فجأه وقعت ومحسيتش بنفسي غير بعد كام يوم وانا علي كرسي ب عجل وعندي شلل في كل اجزاء جسمي طبعا سماح مقدرتش تستحمل الوضع وودتني دار مسنين وطلبت الطلاق وانا طلقتها يمكن تقدر تبني حياتها مع حد يحبها ويحترمها ويمكن تنسي الي انا عملته فيها .... _______________ مضي علي غيابك يا بني ثلاث سنوات .... منذ لحظه وفاتك بني الحزن بيتآ له في قلبي... ماكنت اتمني يومآ ان يعاقبني الله بك .... لكني لم اعلم ان هذه ستكون نهايتي نهاية جبروت رجل سلمي اتأثرت جدا بالحكاية دي لأنه ابنه مات زي ما بنتها ماتت لكن هو وجعه اكتر لأن هو ظلم ابنه ويعتبر مراته وابنه ماتوا بسببه وكله قاله ربنا يصبرك بس اكيد هو مش هيعرف يتعافي . . . . . ولقوا واحده قاعدة وباين علي عنيها حزن شديد وسألوها انها تحكيلهم قصتها لكن هي كانت متردده بس قعدوا يقولولها تحكي عشان يهونوا عليها واخيرا وافقت اصعب احساس فالدنيا لما ابنك يكون قدام عينك وفجأه متلاقيهوش.... انا دينا وعندي ٣٠ سنه متجوزه ومبسوطه في حياتي الحمد لله ابني سليم هو كل حياتي عنده ٧ سنين هو ماشاء الله واعي وفاهم وبيفكر اكبر من سنه ب كتير.... في يوم حصلت حادثه كبيرة علي الطريق وكنت انا من المتضررين وحصلي تهتك فالرحم عشان كده الدكاترة عملولي استئصال للرحم ومبقاش ينفع اخلف تاني... حمدت ربنا علي سليم قولت هكبره وهدخله احسن مدرسه ويبقي هو كل حياتي .... كتابات ل ghada saeed حياتي كانت ماشيه مستقرة لحد ما حياتي اتقلبت... انا وسليم متعودين ننزل افسحه في اي مول واوديه الملاهي عشان يا حبيبي بيزهق من كتر القعدة لوحده ملوش اخ ولا اخت اتصلت ب يوسف جوزي.... _ ايوة يا يوسف انا هخرج انا وسليم نتفسح نروح المول عشان زهقان وماسك التليفون طول اليوم وكده غلط عالولد .. _ ماشي ياحبيبتي استني هاجي معاكي _ لا انا هنزل لوحدي مش لسه هستني الولد زهقان جدا وصعبان عليا.... _ طيب خلي بالكم من نفسكم الدنيا زحمه النهارده وكنت خايف عليكم... _ متخافش انا معييش غيره مش هخلي بالي منه ازاي وبالفعل رحنا المول ودخلنا المراجيح و***ب كل الال**ب وكنت واقفه اصوره... كتابات ل ghada saeed حطيت تليفوني فالشنطه وهو علي اللعبه كان راكب لعبه مقفوله هو واتنين معاه وانا واقفه مستنياه وعيني عليه فجأه تليفوني رن وسط الدوشه وصوت اطفال كتير ببص فالشنطه اطلعه وانا بطلعه ارد لقيت اللعبه خلصت والولدين خرجوا وسليم مش معاهم.... قعدت اجري زي المجنونه واسأل الناس وكل واحد ماسك عياله ومش بيرد قعدت اصوط فالمكان بس صوت الاطفال كان اعلي مني قعدت انده عليه لما صوتي رااح وكأن الارض انشقت وبلعته وقعت عالارض من كتر الصدمه وايدي قعدت تترعش طلعت موبايلي عشان اتصل ب جوزي _ الحقني يا يوسف سليم مش لقياه.. _ ايه انتي بتقولي ايه هجيلك حالا... لقيته عندي في خلال خمس دقايق معرفش ازاي لحق يوصل فالمده دي.... _ في ايه يادينا... _ والله يا يوسف الولد كان قدام عيني فاللعبه هنا بطلع التليفون فاالشنطه وفجأه ملقيتهوش .... _ ازاي يا دينا اختفي في ثواني يعني انا قولتلك متنزليش فالزحمه _ مش وقته الكلام ده انا عاوزه ابني...... _ تعالي نسأل جوه.. قعدنا نجري زي المجانين وسألنا ال واقف عاللعبه _ والله يا بيه انا مهمتي اشغل اللعبه واطفيها ومليش دعوة ب الي راكب ولا ببص ناحيه هناك... قعدنا نجري زي المجانين في كل مكان مفيش حد بيرد علينا سليم اختفي خلاص.... _ يوسف تعالا علي اوضه الكاميرات طلع يجري يسأل علي المدير ... دخلناله وحكيتله الي حصل وانا منهارة... رد ب كل برود... _ للأسف مش هقدر اوريكي الكاميرات لازم إذن نيابه دي سياسه مكان ومقدرش افتحلك ولا كاميرا _ ابوس ايدك افتحلي كاميرة الملاهي بس عاوزة ألحق ابني _ انا اسف والله مش هقدر طلعنا نجري عالقسم عشان نجيب إذن النيابه وهناك كانت الصدمة.... دخلنا القسم وابتدينا نسأل علي ظابط المباحث ودخلونا ليه وابتديت احكيله وانا منهارة الي حصل وان احنا عايزين إذن نيابه بسرعه عشان نفتح الكاميرات لأن مفيش وقت وكلها ساعتين والمول يقفل وكان رده.. _ انا طبعا مقدر شعورك كا أم بس للاسف في اوراق مطلوبه لازم تجبهالي زي شهاده ميلاد الولد وما يثبت انكم كنتوا فالمول وحاجات كده _ بقولك ابني بيروح تقولي كده _ حضرتك مش فاهمه اصلا إذن النيابه مستحيل يطلع غير لو عدي علي الاختفاء ٢٤ ساعه وهو مكملش ساعتين روحي لو سمحتي جهزي الاوراق وتعاليلي بكرة الصبح = خلاص يا دينا يلا نمشي ونيجي بكرة الصبح.... شكرآ يا حضرة الظابط... طلعنا برة القسم وانا قلبي بيتقطع علي ابني هموت خلاص مش قادرة اقف علي رجلي..... _ يوسف انا مش هروح البيت انا هدور عليه للصبح وهروح المول _ زي ما تحبي انا مش عايز ازعلك وماسك نفسي بالعافيه عشان خاطر سليم بس انتي السبب في كل الي احنا فيه ده.... كلامه وجعني اوي دي هي لحظه الي بصيت فيها فالتليفون انا فعلا مهملة ... رحنا عالمول لقيناهم بيقفلوا وسليم مش موجود يوسف قالي... _ هروحك انتي عند مامتك وهروح انا ادور عشان بكرة يومنا طويل _ لا انا هفضل معاك _ وجودك ملوش لزمه معايا روحي ارتاحي عند مامتك... خدني روحت عند مامتي اول ما دخلت عندها.... _ خير يابنتي مالك جايه متآخر كده ليه ومال وشك _ سليم اتخ*ف ياماما _ يالهوي انتي بتقولي ايه ازاي دا حصل حكيتلها كل الي حصل وانا هموت علي ابني.... _ يا حبيبي ياسليم ياترا مين خ*فك يانور عين جدتك ادخلي يابنتي اغسلي وشك واتشطفي وارتاحي عشان بكرة يومكم طويل... كتابات ل ghada saeed دخلت اريح عالسرير وانا التفكير هيموتني ياترا بيعملوا فيك ايه دلوقتي يابني.... كلمت يوسف التليفون .... _ ايه يا يوسف عملت ايه _ اديني بدور اهو وقاعد ارتاح عالقهوه شوية تاني يوم الصبح جهزت كل الاوراق وطلعنا عالقسم والرئيس المباحث كان متساهل معانا بصراحه وطلعلنا اذن النيابه قبل ال ٢٤ ساعه وراح معانا المول اوضه الكاميرات وطلب كاميرة الملاهي تتفتح في نفس وقت اختفاء سليم.... لقينا في وقت ما تليفوني رن واحد لابس كاب جه شال سليم من اللعبه وخده ومشي ووشه مش باين خالص.. _ استني استني يابني رجعلي الحته دي _ في ايه يا حضرة الظابط... _ ابنكم بيضحك لما شاف الي شاله الي خ*فه ده حد ابنكم عارفه كويس وللأسف وشه مش واضح تقدروا تتعرفوا عليه من الهدوم الي لابسها.... _ لا طبعا مستحيل نبقي حافظين هدوم الناس _ طب انتوا ليكم اي اعداء من ناحيه القرايب الاصحاب _ لا خالص.... _ غريبه الي باين فالفيديو ان الي خده حد الولد عارفه كويس بدليل انه بيضحكله وهو ذكي ادي ضهره للكاميرا. ... _ مين ده يا يوسف انت تعرفه _ هعرفه منين دا مش باين منه اي ملامح..... امال هيكون مين ال اخد سليم.... انا هتجنن عمرنا ما كنا اعداء مع حد ولا حد بيكرهنا _ حضرتك روحي ارتاحي وسيبي المباحث تشوف شغلها مشيت انا ويوسف عشان يوديني عند ماما ويكمل تدوير علي سليم..... اول ما وصلنا عند باب العمارة فجأه تليفون يوسف رن.... _ الو.... _ انت بقي الي بتدور علي ابنك.... _ الو _ انت بقي الي بتدور علي ابنك _ انت مين _ ابنك معايا لو عاوز تشوفه جهز مليون جنيه في خلال يومين وتعالا قابلني... _ اقابلك فين _ هبقي اكلمك اقولك ... بس عاوز اقولك لو رحت القسم تاني اقرا الفاتحه علي روح ابنك احنا مراقبينك كويس وحواليك في كل مكان _ طب اديني الولد اكلمه فجأه السكه اتقفلت الخط قطع...... _ مين دا يا يوسف .. _ وانا اعرف منين مانتي سامعه الكلام ب ودانك.... _ انا هبلغ البوليس.... _ لا يا يوسف بوليس ايه هيعملوا حاجه ف ابني ابوس ايدك انا عاوزه سليم بيع الشقه وبيع كل الدهب وبيع العفش اهم حاجه سليم يرجع ابوس رجلك _ ابيعهم ل مين بس في يومين... _ مش الشقه كان صاحبك احمد عاوز يشتريها كلمه بيعهاله دلوقتي.... وخد كل دهبي مش عاوزاه انا عاوزه ابني يرجعلي.... _ اطلعي دلوقتي وانا هكلم احمد وهشوف هعمل ايه.... _ لا خليني معاك ابوس ايدك انا مش مستحمله اقعد علي اعصابي.... اتصل ب احمد وحكاله كل الي حصل... _ ياساتر يارب امتي حصل دا يا يوسف فهمني _ مش وقته يااحمد انت دلوقتي هتاخد الشقه دي ولا اشوفلها بيعه تانيه.... _ لا بيعه تانيه ايه هاخدها طبعا وفلوسي جاهزة كلها هروح الصبح اسحبهم من البنك.....

Free reading for new users

Scan code to download app

App Store Google Play

Facebookexpand_more