حبال الموت

_ اخيرا يا وائل لقينا شقتين جنب بعض في نفس الدور وسعرهم لقطة.... = اه والله ياشريف الواحد داخ علي شقتين بالسعر دا وجنب بعض اخيرا يا صاحب عمري هنسكن مع بعض وهنقضي حياتنا كلها سوا... _ طيب بطل رغي بقي وكلم ميرفت فرحها وانا هكلم سلمي دول زمانهم قاعدين مع بعض اصلا..... ............ _ الو ايوة يا سلمي عاملة ايه ياحبيبتي .... = الحمد لله ياشريف ها لقيتوا حاجه ولا زي كل يوم .... انا نفسي اسكن جنب ميرفت مش هقدر ابعد عنها... _ انا بتصل افرحك واقولك اننا اخيرا لقينا شقتين جنب بعض وسعرهم تحفه.... كتابات ل ghada saeed في نفس الوقت وائل كان بيكلم ميرفت وقالها نفس الكلام ... بقوا هما الاتنين مش مصدقين نفسهم من الفرحه .... _ اخيرا ياميرفت هنسكن جنب بعض وحلمنا هيتحقق.... = ياه ياسلمي انا مش مصدقة بجد انا اسعد واحده فالدنيا.... بعد ساعة الباب خبط.... دول اكيد وائل وشريف..... سلمي قامت تفتح الباب..... _ هااا ازيكم احكولنا عن الشقق بقي واسعيين وحلوين وفين مكانهم بالظبط = اصبري بس مش لما ناكل الاول احنا بنلف من الصبح علي رجلينا .... _ طيب ياشريف ماما اصلا مجهزة الاكل من بدري..... حطت مامت سلمي الاكل وهما قاعدين ياكلوا شريف قالها.. = ايه يا طنط مش خلاص بقي نحدد الفرح الشقة جت اهي وان شاء الله فرحي انا وسلمي وشريف وميرفت هيبقي في يوم واحد .... _ وماله يا حبيبي ربنا يسعدكم يارب.... = ايه رأيك يا ميرفت فالاقتراح ده.... _ احسن حاجه بصراحه ان فرحنا يبقي فيوم واحد انت مش متخيل انا فرحانة ازاي = طيب ياجماعة هستأذن انا عشان هروح تعبان وعاوز انام _ خدني معاك يا وائل .... وبالفعل اتحدد ميعاد الفرحين في نفس اليوم ونفس المكان والشقتين اتفرشوا .... كل واحد فرش شقته علي زوقه .... ويوم الفرح جه وكانوا كلهم طايريين من الفرحة .... خلصوا الفرح وروحوا علي بيتهم سوا وشريف كان فرحان جدا لان سلمي دي حب حياته وهو الي معرف وائل علي ميرفت لانها صاحبة سلمي والفرحه كانت فرحتين.... _ اخيرآ ياسلمي جمعنا بيت لا وكمان الفرحه فرحتين اصحاب عمرنا ساكنين فالشقه الي جنبنا بالظبط.... = ربنا يخليك ليا ياشريف كل حاجه قولتهالك عملتها وزيادة.... بعد شهر من الفرح ..... راح شريف ووائل الشغل بعد ما خلصوا اجازة الزواج ... وطبعا سلمي وميرفت قاعدين مع بعض لحد ما اجوازتهم يجوا من الشغل.... _ ايه يا سلمي مفيش حاجه جايه فالسكه ... = حاجه ايه ياميرفت.... _ مش حامل يعني ... = حامل ايه يابنتي هو احنا لحقنا... _ اوعي تكوني انتي الي حامل شكلك كده.... = لا والله انا لو حامل هجري اقولك اول واحدة.... واستمر الحال ده لمده ٩ شهور ..... قاعدين ع طول هما ال ٤ مع بعض بياكلو ويشربو ولما يجوا يناموا كل واحد بيروح بيته وفيوم ميرفت قالت ل سلمي.... _ انا شايفه انه كفاية اوي كده احنا لازم نروح نكشف = كله ب ايد ربنا يا ميرفت بلاش استعجال احنا لسه مكملناش سنة _ لا يا سلمي كده كتير انا عن نفسي هروح اكشف تيجي معايا.... = ماشي خلاص نروح انا وانتي بكرة.... وبالفعل راحت سلمي وميرفت للدكتور وكانت هناك المفجأة _ اتفضلو مين الي هيكشف = احنا الاتنين يا دكتور الحقيقة احنا متجوزين فين نفس اليوم من ٩ شهور ومحصلش حمل.... طيب اتفضلوا عالسونار جريت ميرفت اول واحده كانت مستعجلة جدا _ السونار الي قدامي يا مدام بيبين ان حضرتك زي الفل والتبويض عندك كويس جدا وتقدري تحملي عادي لو جوزك معندوش مشاكل.... = بجد يادكتور طمنتني ربنا يطمنك..... _ اتفضلي يا مدام سلمي.... الدكتور قعد يدقق ويبص فالسونار بتاع سلمي ... مب**ك يا مدام انتي حامل في اسبوعين .... _ ايه انت بتقول ايه انا مش مصدقه ... = اهدي بس يامدام انتي حملك ضعيف جدا ولازم الراحة التامة.... خرجت سلمي وميرفت من عند الدكتور وكان باين انهم طايريين من الفرحه... _ انا مش مصدقه نفسي يا ميرف اني حامل شريف لما يعرف هيفرح اوي عقبالك ياحبيبتي هتحصليني الشهر الجاي ان شاء الله .... = بصي بقي من هنا ورايح متقوميش من السرير انا الي هنضفلك البيت والاكل انا الي هعملوا .... _ ربنا يخليكي ليا يارب وحضنوا بعض فالشارع..... روحت سلمي البيت وكانت مستنيه شريف عشان تعمله مفجأه واول ما دخل جريت عليه وقالتله .... _ خلاص ياشريف هنبقي تلاته = انتي بتتكلمي جد الدكتور قالك انك حامل.... _ اه والله وأكدلي وقالي لازم ارتاح وميرفت ربنا يخليهالي قالتلي هتقوم ب كل شغل البيت ... _ ربنا يقومك بالسلامه ياحبيبتي وتجيبيلنا احلي نونو... فجأه الباب خبط ميرفت ووائل جايين يباركولهم.... _ الف مب**ك ياشريف والله فرحت اوي لما عرفت = الله يبارك فيك يا وائل عقبالكم ان شاء الله.... سلمي وميرفت دخلوا الاوضه يقعدوا مع بعض .... _ مالك يا ميرفت شكلك متدايقه ليه... = اصل قولت ل وائل يروح يعمل تحاليل يتطمن علي نفسه ليكون في مشكلة عنده رفض واتخانق معايا وقالي اصبر شوية احنا مكملناش سنة... _ معلش يا حبيبتي قوليله ب هدوء ولو عاوزة اخلي شريف يكلمه معنديش مانع.... = لا بلاش احسن يزعل اني حكيتلكم.... فات ٣ شهور من حمل سلمي والامور كانت مستقرة بتروح للدكتور عشان تسمع نبض البيبي وكانت منتظرة تعرف هتجيب ولد ولا بنت ب فارغ الصبر..... عدا شهر كمان وراحت للدكتور وكانت احلي مفجأه لما عرفت انها هتجيب بنت كانت طايرة من الفرحة لأنها نفسها في بنت جدا..... لكن للأسف فرحتها مكملتش لما الدكتور وهو بيكشف عليها قالها..... الدكتور وهو بيكشف عليها لاحظ وجود اورام عندها فالرحم ظهرت فجأة وقالها احنا لازم نعملك عملية نشيل الاورام دي وكده هتخسري الجنين ،_ انا مش هعمل عمليه غير بعد ما اولد حتي لو هموت.... = ايوة بس كده حياتك معرضه للخطر وهيحصلك مضاعفاات خطيرة.... _ انا هتحمل دي اخرة فرصة ليا اني اكون ام وانا مش هخسرها لكن كان رأي شريف انها تسمع كلام الدكتور لانه مش عاوز يخسرها وكان مرعوب يجرالها حاجه .... لكن هي رفضت رفض تام وقررت انها هتكمل الحمل لو حتي هتموت.... رجعوا البيت وهما باين علي وشهم علامات الهم شريف خايف علي مراته وحب عمره وسلمي مش خايفه غير علي بنتها ... طلعوا العمارة علي صوت وائل وميرفت الي صوتهم كان جايب لحد تحت.... خبطوا عليهم بسرعه _ خير في ايه مالكم صوتكم جايب لحد تحت.... = اسألها الهانم عوزاني اكشف وبتقولي ان العيب فيا واني مبخلفش ... _ اهدي بس ياوائل واتكلم ب هدوء..... وايه المشكله نفسها تفرح ياسيدي اكشف عشان تتأكد انك سليم .... = انا مش عارف هي مستعجله عالعيال ليه خلاص يعني دحنا يادوبك لسه مكملين السنه... كتابات ل ghada saeed = وانت قولتلي لما نكمل سنه هتكشف مترجعش في كلامك.... _ مالك يا سلمي وشك ماله.... = ابدآ ياوائل انا تعبانه شويه _ لا انتي شكلك كنتي معيطه.... سلمي طبعا انهارت من العياط وحكيتلهم علي كل كلام الدكتور الي قاله ..... _ انا اسفه والله ياسلمي مكنتش اعرف تعالي ياحبييتي ارتاحي... = معلش ياميرفت انا هدخل ارتاح في بيتي شويه واغير هدومي.... دخلت سلمي وشريف البيت وغسلت وشها.... وقعد شريف يتكلم معاها..... _ سلمي انا خايف عليكي انتي عندي اهم من مليون طفل انتي لو جرالك حاجه انا ممكن اموت فيها..... = مش هيحصلي وربنا هيفرحنا ونجيب احلي بنوته دي اخر فرصه لينا عشان نكون اب و ام _ بس انا مش عاوز ابقي اب عشان مخسركيش.... = مفيش حاجه هتحصل يا شريف انا هتحمل اي وجع ..... استمر الحال ده لحد الشهر السابع وحلها مضاعفات وراحت للدكتور وقالها لازم ولادة حالا الرحم خلاص هيحصله تهتك لازم نلحق الجنين.... جريت عالمستشفي وهي مكنتش عاملة حسابها انها هتولد ولا مجهزه حاجه ... كلمت ميرفت تجيبلها هدوم للبيبي وليها وتجيلها بسرعه عالمستشفي..... وبالفعل ولدت واثناء الولادة الدكتور استأصل الرحم والبنت نزلت وزنها ناقص ودخلت الحضانة .... فاقت سلمي من البنج وكل الي عليها بنتي فين جرالها حاجه _ اهدي يا مدام سلمي البنت كويسه هي بس وزنها ضعيف ودخلت الحضانه عشان مولوده بدري وتقدري تروحي تشوفيها لما تقفي علي رجلك..... قعدت تحاول تقف وشريف يسندها لحد ما وصلت للحضانه وشافت البنت نسيت كل التعب الي هي فيه .... _ فرح هنسميها فرح ياشريف دي فرحة عمرنا .... شبهك بالظبط... = لا دي قمر زيك.... اخدها شريف وصلها للسرير عشان ترتاح وقدت يوم والدكتور كتبلها خروج لكن فرح هتقعد فالحضانه شوية .... خرجت من المستشفي وهي قلقانه مش عاوزة تسيب فرح لوحدها ... _ مالك يا سلمي ... = مفيش يا شيريف مش هبقي كويسه غير لما بنتي تخرج ليا بالسلامه .... _ هتخرج متقلقيش وهتبقي زي الفل = يارب... رجعوا عالبيت ولقوا وائل و ميرفت مستنينهم ومزينين البيت وبيرحبوا بيهم ... _ مالك يا سلمي لا بقولك ايه النهارده الفرحة فرحتين = ازاي _ فرحة انك قومتي بالسلامه وتاني حاجه اخيرا وائل وافق يروح يكشف ونشوف في ايه مأخر الحمل.... تاني يوم وائل وميرفت راحوا للدكتور وطلب منهم شوية تحاليل وعملوها ... وتاني يوم راحوا يستلموها وهما بياخدوها دكتور التحاليل نده علي وائل وقاله _ استاذ وائل ممكن تسمحلي ب كلمة ضروري....... يتبع