حبال الموت البارت التاسع

3008 Words

استني دا شريف بيتصل بيا يا ترا عاوز ايه . . . . . _ الو ايوة يا شريف خير فيه حاجه سايب الشغل وبتكلمني . . . = انتي رحتي ل ميرفت يا سلمي . .. _ وانت عرفت منين = ردي عليا انتي روحتلها فعلا . . . _ ايوة روحتلها ومش هوديلها فرح مهما عملت عشان نيتها السودة دي =الي انتي عملتيه ده غلط يا سلمي غلط كبير مكنش ينفع تروحيلها يلا اتفضلي وتعالي البيت دلوقتي حالا _ لا انا هقابل ندي صاحبتي من ايام الجامعه محتاجة اغير جو شوية . . . . =ماشي براحتك .. ... _ ماما ممكن تخلي بالك من فرح هنزل اقابل ندي = ماشي يابنتي متتأخريش . . . نزلت سلمي تقابل ندي صاحبتها من ايام الجامعه وبقالها كتير مشفتهاش . . . اول ما وصلت الكافيه الي هيتقابلوا فيه لقيتها قاعدة مستنياها . . . _ ازيك ياندي لسه زي مانتي ماتغيرتيش زي القمر = ازيك ياسلمي وانتي كمان زي القمر بس انتي مالك شكلك حزينه اوي .. . _ انا ياندي خدت اكبر قلم في حياتي كلها من واحدة كنت فاكرة انها صاحبتي ربنا ينتقم منها = بصي يا سلمي انا خلاص مبقتش اعترف بموضوع الصحاب ده لأن انا خدت اكبر قلم في حياتي كلها بسبب الصحاب _انتي كمان ليه احكيلي = مش عاوزك ادوشك اصلها حكاية طويلة _ انا حابة اسمع والله ياندي = انا عاوزه كل واحدة تتعظ من كلامي وتخلي بالها من كل حاجه حواليها ..... حكايتي بدأت من حوالي ١٥ سنة وانا فالجامعه ايام الشباب بقي.... كنت جميلة جدا اي واحد يتمني اني ابصله لحد ما قابلت كريم بصراحه لفت نظري جدا لانه خجول ومش بجح زي باقي الشباب _ ايوة انا فاكرة ايام الجامعه وقصة حبك انتي وكريم كنا كلنا بنحكي عنها طلب بكل ادب انه عاوز يرتبط بيا وانا بصراحه ممانعتش عشان انا كمان كنت معجبة بيه وبالفعل عشان مطولش عليكم جه عندنا البيت واتقدملي وعملنا خطوبة لحد ماتخرجنا احنا الاتنين واتفقنا علي ميعاد الفرح..... كنت مبسوطه جدا ويوم الفرح كان يوم جميل وكل اصحابي حواليا وعيلتي وعيشت اول ٣ سنين جواز في سعادة وبعد التلت سنين حياتي كلها اتقلبت . . . . كريم مبقاش طايق يقعد فالبيت ولا يبص في وشي ولا وش بنته وعلي طول في خناق ومشاكل من غير اي سبب . . . . شكيت ان فيه واحده في حياته مغيراه من ناحيتي . . . . . ومبقتش عارفه اعمل ايه بقي يتلكك علي اي حاجه ويخليني امشي من البيت اروح ل اهلي عشان يقعد لوحده . . . . . . . كتابات ل ghada saeed وفيوم حصلت مشكله وض*بني رحت غضبت عند اهلي.... _ مالك بس ياندي ايه الي حصلكم يابنتي انتو اتحسدتوا ولا ايه كل يوم مشكله .... _ انا خلاص يا ماما زهقت وتعبت من العيشه دي وبفكر اتطلق عشان جبت اخري .... _ تطلقي ايه بس ايه الي بتقوليه دا كريم بيحبك هو تلاقيه مضغوط من الشغل بس وهيرجع كويس.... فجأه التليفون رن..... _ ايوة ياسارة ازيك وحشتيني كنتي لسه في بالي والله _ ازيك ياندي فينك بقالك كام يوم مش بتتصلي _ انا عند ماما يا سارة تعالي اقعدي معايا عشان مخنوقه اوي .... _ ماشي ياحبيبتي ساعه وهكون عندك .... سارة دي تبقي اقرب صديقه ليا وهي الي دايما بتنصحني اعمل ايه فالمشاكل وبتهون عليا كتير .... جت سارة تقعد معايا ..... _ مالك بس ياندي كل شوية مشكلة كده .... _ انا تعبت ياسارة البيت والع حريقه وكل ما نتصالح نتخانق تاني ووصلت انه يمد ايده عليا.... _ معلش ياحبيبتي تلاقيه مخنوق من الشغل انا لو منك اروح اصالحه واعرف ايه الي مدايقه ... بصي سيبي آسيل معايا وروحي اعمليله مفجأه وروحيله البيت صالحيه ..... بصراحه عجبتني الفكرة وقولت اسيب البنت معاها هي وماما واروح نتكلم بهدوء ..... ويارتني ما روحت اول ما فتحت باب الشقه لقيت........ اول ما فتحت باب الشقه سمعت صوته بيحكي لحد المشاكل الي بينا وانه زهق مني وبيقول لحد الي بيحصل في حياتنا بالتفصيل انا بصراحه شكيت فيه انه بيكلم واحده او معاه واحدة في اوضه المكتب بتاعه قربت من الباب وانا قلبي بيدق جامد ياترا هفتح اشوفه وهو بي**نني ولا هيكون بيتكلم فالتليفون ..... فتحت الباب بسرعه لقيته قاعد ومعاه واحد بس شكله مش غريب عليا انا تقريبا شوفته قبل كده ..... _ تعالي ياندي انتي هنا من امتي دا الشيخ محمد شيخ الجامع الي تحت وجيبته عشان يشوفلنا حل عشان انا تعبت .... _ شيخ ايه وحل ليه انت شايفني عليا عفرييت .... _ لا مش قصدي بس الشيخ نفسه قال ان الي احنا فيه دا مش طبيعي والمشاكل الي كل يوم وعمال علي بطال دي مش طبيعيه .... = طيب يا جماعه انا هسيبكم دلوقتي تتكلموا مع بعض وعليكم بتشغيل سورة البقرة طول اليوم فالبيت ..... _ ماشي ياشيخ محمد اتفضل..... نزل الشيخ محمد لكن انا استغربت جدا من الي جوزي عمله .... كتابات ل ghada saeed _ انا عاوزه اعرف دلوقتي انت جايب شيخ البيت وبتفضحنا وسط الجيران الناس تقول علينا ايه .... _ يقولوا الي يقولوه مش كفايه الق*ف الي احنا فيه .... هي فين اسيل صحيح... _ سيبتها مع ماما وسارة وجيت عشان نتكلم .... _ هو انا مش قولتلك متسيبيش البت بره لوحدها تاني .. _ وفيها ايه يعني .... _ اتفضلي انزلي دلوقتي روحي هاتيها.... نزلت اجيب اسيل وانا كلام الشيخ في دماغي هو ممكن حد يأذيني في بيتي طيب هيكون مين الي عمل فيا كده وعامل ايه اصلا انا مش بصدق الخرافات دي ولا الحسد ولا الاعمال والكلام الفارغ ده وصلت عند ماما وسارة واول ما دخلت .... _ مالك يا ندي جيتي علي طول يعني... _ لا ابدا اصل كريم قالي اجي اجيب آسيل وقعد يزعق _ اسيل جوة مع سارة فالاوضه بتلاعبها.... دخلت جوة لقيت اسيل نامت وسارة قاعدة جمبها ... كتابات ل ghada saeed _ ايه ياندي عملتي ايه... ._ معملتش اي حاجه ياساره تصوري لقيته جايب شيخ الجامع وبيحكيله مشاكلنا.... _ طيب وفيها ايه يا ندي مهو عاوز يشوف حل والشيخ قاله ايه؟؟؟!!! _ بيقوله ان الي بيحصلنا دا مش طبيعي وان في حاجه فالبيت _ حاجه زي ايه _ معرفش انتي عرفاني مبصدقش الخرافات دي _ خرافات ايه ياندي انتي اكيد حد آذيكي او عاملك عمل الي انتي فيه دا مش طبيعي انتي وكريم كانت عيشتكم زي الفل ومفيهاش اي مشاكل لحد تالت سنه من الجواز وحياتكم اتقلبت مش ملاحظة حاجه؟؟؟ _ ايه _ ان نفس السنه دي الي اتجوزت فيها سلفتك ومن ساعتها حياتك اتقلبت... _ قصدك ايه... _ انا حاسه ان انها ورا الي بيحصلك ده... _ وهي هتأذيني ليه انا وهي مبنتكلمش مع بعض اصلا وملناش علاقه ببعض ... _ طيب ابقي شوفي هتطلع هي ورا كل الي بيحصلك ده _ طيب انا همشي دلوقتي ونتكلم بعدين عشان اروح البيت .... روحت البيت ودخلت نمت علي طول عشان لو اتكلمت انا وكريم هنمسك في بعض كالعادة .... تاني يوم الصبح كريم راح الشغل وانا كلام سارة بقي يدور في دماغي طلعت رقم سلفتي قولت اكلمها اشوفها كده رد فعلها ايه من اتصالي ... _ ازيك يا هبة عاملة ايه فينك مش باينة ليه = الحمد لله يا ندي كويسه معلش مشغولة بالولد الصغير بقي والبيت .... والمكالمه كانت عادية جدا لحد ما جيب اقفل الخط وهي نسيت تليفونها مفتوح ومقفلتهوش ... وسمعتها وهي بتتكلم وتقول...... اول ماقفلت معاها هي نسيت تليفونها مفتوح وانا فضولي خلاني افضل عالخط عشان اسمع اي كلام يتقال لقيتها بتكلم حد جمبها وتقول.... _ غريبه اوي انها اتصلت بيا دي مبتكلمنيش خالص .... تفتكري حماتي تكون قالتلها حاجه عليا او تكون عرفت حاجه..... انا ساعتها قلبي اتقبض جدا وقفلت الخط بسرعه احسن تاخد بالها اني عالخط وبسمع وساعتها اتأكدت من كلام سارة وانها وراها حاجه..... كلمت سارة جاتلي بيتي عشان احكيلها واشوف هعمل ايه . . . . . . . كتابات ل ghada saeed _ خير ياندي ايه الي حصل... حكيتلها الي حصل فالمكالمه كله . . . . . _ شوفتي مش قولتلك انا نظرتي مش بتخيب فالناس ابدا قولتلك دي اكيد وراها حاجه . . . . . . بس ايه صحيح موضوع حماتك دا كمان جابت سيرتها ليه. . . . . . . يالهوي ياندي احسن يكونوا متفقين عليكي وعاملينلك حاجه فالبيت . . . . . _ مش عارفه والله ياسارة انا قلقانه خصوصا ان انا وحماتي علاقتنا مش كويسه اوي ببعض من تلت سنين وانا حياتي كلها متدمرة بجد . . . . . . اعمل ايه يا سارة دلوقتي . . . . . . . _ انتي تروحي عند حماتك وبعدها عند سلفتك يمكن توصلي ل اي حاجه عندهم فالبيت . . . . . . . . . بس اوعي تاخدي اسيل معاكي لا يعملوا فيها حاجه ومتقوليش ل كريم غير لما تروحي وتيجي..... كتابات ل ghadasaeed _ ماشي . . . . . _ طيب اقعدي انتي هنا مع اسيل ولو كريم جه قوليلو اني نزلت اشتري حاجات وانا لما اجي ابقي اقوله روحت عند مامتك ابص عليها . . . . . نزلت بسرعه رحت عند حماتي واول ما دخلت لقيتها استغربيت اوي خصوصا اني مبدخلش بيتها من ٣ سنين وبكلمها مرة كل سنه . . . . . . . _ ازيك يا طنط عاملة ايه.... _ غريبه يعني ياندي بقالك سنين مجتيش ايه فكرك بيا... _ ابدا كنت بشتري شوية حاجات قولت ابص عليكي .... عاملة ايه _ الحمد لله .... تشربي ايه _ شاي .... قولت اخليها تقوم عشان ادور براحتي .... قامت تعمل الشاي وانا قومت ادور علي اي حاجه مش عارفه ابدأ منين والوقت ضيق.... الي لفت نظري انها شالت صورة فرحي انا وابنها واي صورة تخصني كانت عندهم فالبيت .... قعدت افتح فالادراج زي المجنونه بس ملقتش حاجه وسمعت خطواتها وهي جيه .... قعدت مكاني بسرعه.... وهي جيه تليفونها رن ببص لقيت سلفتي بتتصل بيها.... اتأكدت ساعتها ان فيه حاجه لانها مرديتش ترد قدامي خالص.... مردتش اشرب الشاي خوفت تكون حطالي فيه حاجه.... _ طيب يا طنط انا هنزل بقي عشان متأخرش علي اسيل عاوزه حاجه .... _ طب اشربي الشاي حتي يابنتي .... _ لا معلش مرة تانيه.... _ ماشي يابنتي ربنا يهد*كي ويرجعك لعقلك.... _ ليه ياطنط هو كريم قايلك ان انا مجنونه ولا حاجه.... _ لا يا بنتي دنا بدعيلك مش اكتر.... _ ماشي مع السلامه.... نزلت وانا متدايقه لأني موصلتش ل اي حاجه وانا نازله عالسلم وخارجه من باب العمارة لمحت سلفتي جيه من بعيد ..... طلعت اجري لفوق عشان لما تدخل اسمعهم بيقولو ايه بظبط ...... عشان بابا الشقه جنب الصاله المكان الي بنعد فيه فا اكيد الصوت هيبقي واضح ..... طلعت سلفتي واتأكدت انها دخلت ونزلت بسرعه عشان اسمع.... وسمعت كل حاجه ب وداني.... سمعتهم بيتكلموا عليا وسلفتي بتقولها ..... _ مش بتردي عليا ليه يا ماما انا قلقت عليكي... _ تخيلي مين كان عندي هنا.... _ مين... _ ندي مرات كريم... غريبه ايه الي جابها هنا... _ منا كنت عاوزه اسألك علي نفس الموضوع انتي قولتلها حاجه من الي قولتهولك اصلها اتصلت بيا وانا استغربت اوي وقولت اكيد انتي قولتلها حاجه.... _ لا طبعا انا مكلمتهاش خالص حتي استغربت انها جاتلي هنا اكيد في حاجه وراها..... _ هيكون في ايه يعني ربنا يهديها..... انا هنزل دلوقتي عشان الحق اعمل الاكل... طلعت فوق بسرعه قبل ما تفتح الباب وتشوفني واستنيتها تنزل وروحت البيت بسرعه..... لقيت سارة قاعده بتلاعب اسيل .... _ هاا عملتي ايه طمنيني .... _ معملتش حاجه وحكيتلها علي الي حصل كله.... _ شوفتي بقي اهي بتقولها افتكرتك قولتلها الكلام الي قايلاهولك... يعني كده في بينهم كلام عليكي الله اعلم قايلين ايه عليكي بقي..... _ ايوة بس دا برضو ميخلنيش امسك عليهم حاجه لانهم مقالوش اي حاجه ويكون كلام عادي .... _ ازاي بس اكيد كل الي بيحصلك ده هما الي وراه اسمعي مني وحاولي تكشفيهم.... _ يعني اعمل ايه تاني... _ روحي ل سلفتك البيت هي كمان... _ ايوة بس اروحلها بمناسبة ايه.... _ من غير مناسبه عادي روحي زوريها.... وهي بتتكلم الباب اتفتح وكريم دخل _ ازيك ياكريم عامل ايه .. طيب يا ندي انا همشي بقي... كتابات ل ghada saeed _ الحمد لله كويس .... مشيت سارة روحت... _ انت ايه قله الزوق الي بترد بيها علي سارة دي حتي مقولتلهاش ازيك... _ والله انا حر ارد زي مانا عاوز ... وبعدين انتي بتنزلي من البيت من غير متقوليلي ليه وايه الي وداكي عند ماما غريبه يعني _ ايه المشكله يعني وبعدين هي بتشتكيلك يعني ان انا روحتلها.... _ والله ما اشتكتلي بالع** دي فرحانه جدا بس انا الي مش فاهم دماغك مش انتي حالفه متروحيش هناك تاني _ لا مهي زي مامتي ولازم ابص عليها كل شويه.... _ ربنا يهد*كي ياندي... تاني يوم كلمت سارة تجيلي عشان اروح عند سلفتي جاتلي وسيبت معاها اسيل ... ونزلت وانا ماشيه فالسكه جاتلي دوخه جامدة اوي حسيت ان هيغمي عليا .. لقيت جامع جنبي دخلته اعد فيه شوية احسن اقع فالشارع لقيت في محفظه قرآن ودروس دينيه اعدت اسمع شوية وحسيت ان قلبي ارتاح اوي .... كتابات ل ghada saeed بعد نص ساعه لقيت نفسي بقيت احسن روحت كملت الطريق لعند سلفتي.... طلعت العمارة بتاعتها واول ما وصلت عند باب الشقه سمعتها بتكلم حد وتقوله .... _ يعني ايه لسه مخلصتوش انت بقالك كتير جدا واخده يومين بالكتير لو مخلصش مش عوزاه.... محطتش الكلام في دماغي وخبطت الباب... اول ما فتحت اتفجأت جدا بيا ورحبت ودخلت تعملي عصير .... فضلت ابص عندها يمكن الاقي حاجه كان فيه درج جنبي معرفش ايه الي خلاني افتحه .... جالي صدمه لما لقيت فيه صورة فرحي انا وكريم عندها ومتشخبط عليها بطريقه غريبه فضلت بصه للصورة مستغربة وسرحانه.... فاللحظه دي لقيت سلفتي في وشي وفي ايديها كوباية العصير وانا واقفه والصورة في ايدي..... _ ايه الي عمل في صورتي كده انا وكريم .... _ انا مردتش ارميها والله بس ابني مسك القلم وشخبط عليها فا شيلتها فالدرج بدل ما ارميها فالزبالة..... _ انتي فكراني هصدق الكلام ده انا عارفه كويس ان الي انا فيه دا انتي السبب فيه وساكته لحد ما الاقي الدليل وهو دا الدليل ..... _ لا انتي شكلك اتجننتي عالآخر ومخك طار انا اأذيكي ليه وهستفاد ايه.... _ تستفادي ان انتي تبقي بصورة كويسه قدام حماتي وتحبك انتي بس وتكرهني دا لو مكنتش هي كمان متفقه معاكي.... _ لا انتي شكلك اتجننتي عالاخر وانا لو وحشه فعلا هروح احكي الكلام دا كله لحماتي واكرهها فيكي بصحيح لكن انا مش هعمل كده ... كتابات ل ghada saeed انتي الي بعدتي عننا وكنا دايما بنحاول نقرب منك وانتي بتبعدي حتي حماتك الست الكبيرة بتعامليها وحش ... عارفه هي بتحبني انا ليه ومبتحبكيش عشان انا بعاملها زي امي لكن انتي مبتسأليش عليها ولا بتزوريها .... _ طيب ايه رأيك بقي ان انا سمعتك لما روحتيلها وانتي بتقوللها كلام عليا وانك قايللها حاجه عني وخايفه تحكيهالي او حاجه انتو متفقين عليا فيها .... _ انا فعلا كنت شاكيالها منك انك مبتسأليش وباعدة كريم عن اخوه وبتكرهيه فينا وبعدين انا بحكيلك ليه اصلا وانتي الي في دماغك مش هيتشال انتي واحده مريضه .... سيبتها ونزلت من بيتها وروحت بيتي وانا مش مقتنعه بي كلامها وانا هصدقها ازاي بعد الي شوفته في صورتي عندها..... دخلت البيت وكانت سارة هناك وحكيتلها ...... _ اوعي تصدقيها طبعا بس انتي غ*يه اوي كنتي جيبتي الصورة معاكي عشان يبقي معاكي دليل.... _ مجاش في دماغي ياسارة انا تعبت من كل حياتي انا محتاجه اقعد مع شيخ او اروح احفظ قرآن ... فيه جامع شوفته وانا رايحه فالسكه عجبني عاوزه اروحه عشان اقرب من ربنا شوية جايز يكون السبب ان انا بعيدة عن ربنا.... _ روحي طبعا يا حبيبتي وكلمينا اقعد مع آسيل لما تروحي..... تاني يوم قررت اني هروح الجامع كل يوم عشان احفظ قرآن واقرب من ربنا .... دخلت الجامع وحسيت ان قلبي مرتاح اوي وقعدت معاهم في الدروس الدينيه وفضلت عالحال دا اسبوع وحياتي اتحسنت نوعا ما..... وفيوم كنت فالجامع والشيخ كان هناك قعدت حكيتله عن كل الي حصلي .... قال... _ قربي من ربنا يابنتي واستغفري كتير وطلعي صدقات .... لو تحبي تتبرعي الجامع هنا عامل حملة تبرعات لصالح دار ايتام لو تحبي تتبرعي ب اي حاجه.... ارتحت جدا ل كلام الشيخ لاني فعلا بدأت اتغير وقررت ان انا هشوف اغلي حاجه عندي مهما كانت واتبرع بيها للجامع .... دخلت البيت واعدت ادور ملقتش غير ساعه دهب عندي كانت سارة جيبهالي في عيد ميلادي من فترة وبلبسها كتير لكن هي دي اغلي حاجه عندي واكيد سارة مش هتدايق لو اتبرعت بيها للجامع بس انا مش هقولها غير بعد ما اتبرع بيها..... خدت الساعه وروحت بيها الجامع وأدتها للشيخ.... _ ايوة بس دي ساعه غالية اوي .... _ متغلاش علي الي هتروحلهم هما اولي بيها.... وروحت البيت وكلمت سارة جاتلي وحكيتلها علي الي حصل لقيت وشها اتغير تمامآ .... _ انتي ليه مقولتليش قبل متتبرعي بيها _ في ايه يا سارة انا افتكرتك هتفرحي ... _ ايوة بس انا جيبهالك انتي .... لو مروحتيش خدتي الساعه دي وادتلهم حاجه تاني اعتبري ان ملكيش صاحبة .... _ انتي بتتكلمي بجد ياسارة كل دا عشان ساعه.... _ انا ماشيه والي عندي قولته.... اول ما سارة مشيت لقيت تليفوني بيرن الجامع الي بحفظ فيه قرآن كلموني _ مدام ندي لو سمحتي تعالي عاوزينك هنا دلوقتي ضروري _ خير في حاجه _ مش هينفع فالتليفون تعالي لو سمحتي.... خدت آسيل ونزلت بسرعه وانا بفكر يا ترا عاوزين ايه وقولت بالمرة اخد الساعه واديهم حاجه تانيه عشان سارة متزعلش ... _ خير في ايه ... _ الشيخ عاوزك جوة... دخلت جوه ... _ خير يا شيخ ... _ مدام ندي انتي مين الي جابلك الساعه دي.... _ دي جاتلي هدية من اعز صديقه ليا حتي هي اتضايقت جدا لما اتبرعت بيها وكنت جيبالك حاجه تانيه وجايه اخدها.... _ مدام ندي احمدي ربنا انك اتبرعتي بيها احنا كنا بنفك الدهب منها عشان نبيعه ولقينا جواها كارثه لقينا جواها عمل اسود وانتي متعرفيش.... _ ايه ازاي انا مش مصدقه نفسي . .... وراني العمل واعد يقرأ عليه قرآن وحطه في ميه وملح وقالي انه أبطل مفعول العمل وانا كل دا مش مصدقه نفسي بقي سارة صديقه عمري تعمل فيا كده ليه وعملت فيها ايه عشان تعمل كده.... خدت بنتي وروحت البيت وانا في حالة زهول ازاي سارة تعمل فيا كده وليه انا عمري ما أذيتها في حاجه .... حاولت اتصل بيها كتير تليفونها اتقفل اكيد عرفت ان انا عرفت بس بعتلها رساله وقولتلها من النهاردة انتي الي ملكيش صاحبة ... عشان لو فتحت التليفون في يوم تشوف الرساله .... حياتي اتغيرت تماما ورجعت ندي بتاعه زمان وكلمت سلفتي اعتزرتلها وبقيت ازور حماتي علي طول وانا وكريم رجعنا بنحب بعض زي زمان واكتر.... عدا سنة علي الموضوع ومن ساعتها معرفش حاجه عن سارة ولا حتي شوفتها صدفه ومبقاش عندي فضول اعرف هي ليه عملت كده ايآ كان السبب مفيش بني ادمة طبيعيه تعمل كده وفعلا المقولة الي بتقول ... إحذر من عدوك مرة ومن صديقك ألف مرة .دي حقيقة جدا يتبع

Free reading for new users

Scan code to download app

App Store Google Play

Facebookexpand_more